చేవెళ్ల, వెలుగు: చేవెళ్ల ప్రజలు రాజకీయంగా చైతన్యవంతులని, కాంగ్రెస్ఎంపీ అభ్యర్థి రంజిత్రెడ్డి ఆటలు ఇక్కడ సాగవని మాజీ ఎమ్మెల్యే కేఎస్ రత్నం హెచ్చరించారు. కేసీఆర్, కేటీఆర్కు బినామీ పనులు చేసిన రంజిత్రెడ్డి కొండా విశ్వేశ్వర్రెడ్డిని విమర్శిస్తే ఊరుకునేది లేదని హెచ్చరించారు. ఐదేండ్ల పాలనలో చేవెళ్లకు ఏం చేశారో చెప్పాలని నిలదీశారు.
శాశ్వతమైన భవనాలు, అభివృద్ధి పనులు ఎక్కడ ఉన్నాయో చూపించాలన్నారు. రంజిత్రెడ్డి అవినీతి, కుంభకోణాలపై తాము చర్చకు సిద్ధమని సవాల్ విసిరారు. శుక్రవారం చేవెళ్లలోని బీజేపీ ఆఫీసులో కేఎస్ రత్నం మీడియాతో మాట్లాడారు. ఎవరి ప్రయోజనాల కోసం రంజిత్రెడ్డి పార్టీ మారారని ప్రశ్నించారు. చేవెళ్ల ప్రజలపై ఆయనకు ప్రేమ లేదని, ఇక్కడి భూములు కాజేసేందుకే ఎంపీగా పోటీ చేస్తున్నారని ఆరోపించారు. జిల్లాను కబ్జా చేయాలని చూస్తే ఊరుకోబోమని.. గుడ్ల కంపెనీలో ఎంప్లాయ్గా ఉన్న నీకు ఇన్ని వందల కోట్లు ఎలా వచ్చాయని ప్రశ్నించారు. కేఎస్రత్నం వెంట నాయకులు ప్రభాకర్రెడ్డి, వెంకట్రాంరెడ్డి, అనంతరెడ్డి, రమణారెడ్డి, ఆంజనేయులు, శ్యామ్ ఉన్నారు.
