డార్విన్లోని మార్రారా ఓవల్ గ్రౌండ్ వేదికగా జరుగుతోన్న తొలి టెస్ట్లో బంగ్లా యువ పేసర్ హసన్ మహమూద్ ఆస్ట్రేలియాను గడగడలాడించాడు. పేస్కు స్వర్గధామమైన ఆసీస్ పిచ్లపై బుల్లెట్ లాంటి బంతులతో కంగారులను వణికించాడు. సొంతగడ్డపై పేస్, సింగ్తో ప్రత్యర్థులకు సవాల్ విసిరే ఆసీస్ను అదే పేస్, అదే స్వింగ్తో బంగ్లా యువ కెరటం దెబ్బకొట్టాడు. హసన్ ఆరు వికెట్లతో విభృంభించడంతో తొలి ఇన్నింగ్స్లో ఆస్ట్రేలియా 198 పరుగులకే కుప్పకూలింది. టెస్ట్ క్రికెట్ చరిత్రలో బంగ్లాదేశ్పై ఆస్ట్రేలియాకు ఇదే అత్యల్ప స్కోరు.
మార్రారా ఓవల్ గ్రౌండ్ వేదికగా బంగ్లాతో జరుగుతోన్న ఈ తొలి టెస్ట్లో టాస్ గెలిచి తొలుత బ్యాటింగ్కు దిగిన ఆస్ట్రేలియా జట్టు 53 ఓవర్లలో కేవలం 198 పరుగులకే ఆలౌట్ అయింది. బంగ్లా యంగ్ పేసర్ హసన్ మహమూద్ (6/55) దెబ్బకు ఆసీస్ బ్యాటింగ్ ఆర్డర్ కుప్పకూలింది. స్టీవ్ స్మిత్ (71 ) ఒక్కడే హాఫ్ సెంచరీతో ఒంటరి పోరాటం చేశాడు.
ఐదుగురు ప్లేయర్ సింగిల్ డిజిట్కే పెవిలియన్ చేరారు. అనంతరం బ్యాటింగ్కు దిగిన బంగ్లా తొలి రోజు ఆట ముగిసేసరికి తమ మొదటి ఇన్నింగ్స్లో 1 వికెట్ నష్టానికి 96 పరుగులు చేసి ఆటపై పట్టు సాధించింది. కాగా, 23 ఏళ్ల తర్వాత ఆస్ట్రేలియా గడ్డపై ఆస్ట్రేలియా, బంగ్లాదేశ్ల మధ్య జరుగుతున్న తొలి టెస్ట్ ఇదే కావడంతో డార్విన్ మ్యాచ్కు ప్రాముఖ్యత సంతరించుకుంది.
