ఇండొనేసియాలో లేడీ ఫ్లాగర్స్
ఆమె ఓ మహిళ. తప్పు చేసింది. దొరికిపోయింది. ఆమెకు శిక్ష వేయాలి. మనమంటామె బడిత పూజ.. అదే. ఇండొనేసియాలో అలాంటి శిక్షలే వేస్తారు. శిక్ష అమలు చేసేవాళ్లను ఫ్లాగర్స్ అంటారు. ఇప్పటిదాకా మగాళ్లు మాత్రమే ఫ్లాగర్స్గా ఉండేవాళ్లు. కానీ, తొలిసారిగా 8 మంది మహిళలతో ఓ ఫ్లాగర్ స్క్వాడ్ను ఏర్పాటు చేసింది ఇండొనేసియా. అచే ప్రావిన్స్ రాజధాని బండా అచేలో జరిగిందిది. ఆ టీంలోని ఓ మహిళా ఫ్లాగర్, హోటల్లో పురుషుడితో కలిసి ఉన్న పెళ్లి కాని ఓ మహిళకు శిక్ష అమలు చేసి, ఫస్ట్ లేడీ ఫ్లాగర్గా రికార్డ్ కొట్టేసింది. అయితే, ఫ్లాగర్ల పేర్లు, వివరాలను పూర్తి రహస్యంగా ఉంచుతారు. శిక్ష అమలు చేసేటప్పుడు ముఖం కూడా కనిపించకుండా బ్రౌన్ డ్రెస్, ముసుగుతో ఉంటారు. ఇలా బడితె పూజలే కాదు.. రాళ్లతో కొట్టడం వంటి శిక్షలూ ఉన్నాయి. చాలా మంది ఈ అవమానాలు భరించలేక వేరే చోటకు వెళ్లిపోతున్నారట. అయితే ఇండోనేసియాలో ఒక్క ఈ ప్రావిన్స్ లో మాత్రమే షరియా చట్టం అమలవుతోంది.