శంషాబాద్, వెలుగు: శంషాబాద్ మండలంలోని జూకల్ సర్పంచ్ కోడూరు నర్సమ్మ కుటుంబ సభ్యులను మాత్రమే దళితబంధు స్కీంకు ఎంపిక చేస్తే గ్రామంలోని మిగిలిన దళితుల పరిస్థితి ఏంటని ఎంపీటీసీ బుక్క ప్రవీణ్ ప్రశ్నించారు. గ్రామంలోని కోడూరు ఇంటిపేరుతో ఉన్న ఐదుగురిని సెలెక్ట్చేయడంపై ఆగ్రహం వ్యక్తం చేశారు. ఈ మేరకు బుధవారం ప్రవీణ్ప్రెస్నోట్రిలీజ్చేశారు. దళితులందరికీ పథకం అవసరం లేదా అని ప్రశ్నించారు. అసలైన లబ్ధిదారులను ఎంపిక చేయకుండా అధికార పార్టీ కార్యకర్తలకు మాత్రమే వర్తింపచేయడం కరెక్ట్కాదన్నారు. ఆఫీసర్లు స్పందించి అసలైన లబ్ధిదారులకు మేలు జరిగేలా చూడాలని డిమాండ్ చేశారు. దీనిపై సర్పంచ్ నర్సమ్మను వివరణ కోరగా జూకల్లో 300 మంది దళితులు ఉండగా వారిలో 95 శాతం కోడూరు ఇంటిపేరు గల వారే ఉన్నారని చెప్పారు. అంతా ఒకే కుటుంబానికి చెందిన వారు కాదని తెలిపారు. ఎంపీటీసీ ప్రవీణ్ అసత్య ఆరోపణలు మానుకోవాలన్నారు.
