సూర్యాపేట, వెలుగు: సూర్యాపేట జిల్లా హుజూర్ నగర్ మున్సిపాలిటీలో భర్తల పెత్తనాన్ని నిరసిస్తూ కౌన్సిలర్లు, కాంగ్రెస్ శ్రేణులు మున్సిపల్ ఆఫీసు ఎదుట గురువారం ఆందోళన చేపట్టారు. హుజూర్నగర్ మున్సిపల్ చైర్ పర్సన్ గెల్లి అర్చన భర్త రవి అధికార యంత్రాంగంపై కర్రపెత్తనం చేస్తూ, అధికారుల లాగిన్ ఐడీ, పాస్వర్డ్ దొంగిలించి ఫోర్జరీ పత్రాలతో పెద్దఎత్తున భూ కబ్జాలు చేస్తున్నారని, అక్రమాలకు పాల్పడుతున్నారని ఆరోపించారు. అక్రమాలకు పాల్పడిన వారిపై చర్యలు తీసుకోవాలంటూ ఎంపీ ఉత్తమ్కుమార్ రెడ్డి మంత్రి కేటీఆర్ కు లెటర్ద్వారా ఫిర్యాదు చేశారు. చైర్ పర్సన్ అర్చన భర్త రవితోపాటు అక్రమాలకు పాల్పడిన కౌన్సిలర్ల భర్తలపై చర్యలు తీసుకోవాలని డిమాండ్ చేశారు.
