ఇసుక అక్రమ రవాణాపై
మంత్రి ఎర్రబెల్లి సీరియస్
ఎంక్వైరీ చేసి చర్యలు తీసుకోవాలని కలెక్టర్కు ఆదేశం
పాలకుర్తి, వెలుగు: ఇసుక అక్రమ రవాణాకు పాల్పడితే ఆ సర్పంచ్ను వెంటనే సస్పెండ్ చేయాలని స్థానిక ఎమ్మెల్యే, పంచాయతీరాజ్శాఖ మంత్రి ఎర్రబెల్లి దయాకర్రావు కలెక్టర్ కె. నిఖిలను ఆదేశించారు. బుధవారం జనగామ జిల్లా పాలకుర్తి నియోజకవర్గ క్యాంపు ఆఫీసులో పాలకుర్తి, దేవరుప్పుల, కొడకండ్ల మండలాల ప్రజా ప్రతినిధులు, ఆఫీసర్లతో సీసీ రోడ్ల పనుల పురోగతిపై సమీక్షా సమావేశాన్ని నిర్వహించారు. ఈ సందర్భంగా పాలకుర్తి మండలంలోని వివిధ గ్రామాల సర్పంచ్ లను సీసీ రోడ్లు పూర్తి చేయడంలో ఎందుకు లేటవుతోందని ప్రశ్నించారు.
దేవరుప్పుల వాగు నుంచి ఇసుక తీసుకురావడంలో ఇబ్బందులు అవుతున్నాయని, తహసీల్దార్ అడ్డుకుంటూ ఫైన్లు వేస్తున్నారని మంత్రికి చెప్పారు. దీంతో దేవరుప్పుల తహసీల్దార్ఫరీదొద్దిన్ను ఎర్రబెల్లి వివరణ కోరారు. ఆయన లేచి ఇసుకను అక్రమాలకు వాడుకుంటున్నారని, రూ. 3 వేలకు లోడ్ తీసుకెళుతూ బయట బ్లాక్లో రూ. 8 వేలకు అమ్ముకుంటున్నారని వివరించారు. ఎవరు అలా చేస్తున్నారని మంత్రి అడగడంతో కోలుకొండ గ్రామ టీఆర్ఎస్సర్పంచ్కుర్నాల రవి అంటూ తహసీల్దార్ వివరించారు. దీంతో సీరియస్ అయిన ఎర్రబెల్లి ఆ సర్పంచ్ను సస్పెండ్ చేయాలని పక్కనే ఉన్న కలెక్టర్ నిఖిలను ఆదేశించారు.
