'నాగిని' సీరియల్ తో పాపులారిటీ సంపాదించు కున్న నటి మౌనీ రాయ్. బుల్లితెర నుంచి సిల్వస్క్రీన్ కు వెళ్లాలన్న ఆశ 'హీరో హిట్లర్ ఇన్ లవ్' పంజాబీ చిత్రంతో నెరవేరింది. 'గోల్డ్' హిందీ మూవీతో బాలీవు డ్లోకి అడుగుపెట్టింది. తొలి మూవీకి బెస్ట్ డెబ్యూగా ఫిలింఫేర్ అవార్డు సైతం అందుకుంది. ఆ తర్వాత భారీ బడ్జెట్ సినిమా 'బ్రహ్మాస్త్ర: పార్ట్ 1' లోనూ భాగమైంది. ఇటీవలే విడుదలైన హారర్ కామెడీ మూవీ 'ది భూ త్నీ'లోనూ మెరిసింది.
ఇక ఇటీవల మౌనీరాయ్ టాలీవుడ్ లోకి ఎంట్రీ ఇచ్చేసింది. 'విశ్వంభర' మూవీలో మెగాస్టార్ చిరంజీవితో కలిసి ఈ నటి స్టెప్పులేసింది. ఈ స్పెషల్ సాంగ్ షూటింగ్ ఇటీవలే పూర్తయింది. అయితే లేటెస్ట్ గా ఓ ఇంటర్వ్యూలో మౌనీ రాయ్ ఆసక్తికర విషయాలను పంచుకుంది. వినోద పరిశ్రమలో బయటి వ్యక్తులు ఎదుర్కొంటో న్న సవాళ్ల గురించి ప్రస్తావించింది.
'బ్రహ్మాస్త్ర మూవీ తర్వాత చాలా ఆఫర్లు వస్తాయనుకున్న. కానీ అది నిజమవలేదని మౌనీరాయ్ తెలిపారు. సినిమాకు ఎవర్ని సెలక్ట్ చేయాలన్నప్పుడు కనీసం నా పేరు కూడా ప్రస్తావించడం లేదనుకుంటా. ఫిల్మ్ బ్యాగ్రౌండ్ లేకపోతే మనం ఎంత పెద్ద సినిమాలో నటించినప్పటికీ నో యూజ్. బయటి వ్యక్తులకు చాన్సులు ఇవ్వరు. వీటి కోసం ఎప్పుడూ పోరాటం చేస్తూనే ఉండాలి. అందుకే నేను చిన్న ఆఫర్ వచ్చినా ఉపయోగించుకుంటా. నేను ఇన్ని మూవీల్లో చేసినప్పటికీ ఇప్పటికి కూడా ఆడిషన్స్ ఇస్తూనే ఉంటాను అని చెప్పుకొచ్చింది.
