- డిసెంబర్‍ 15 నాటికి పనులన్నీ పూర్తి చేయాలి
- రెవెన్యూ శాఖ మంత్రి పొంగులేటి శ్రీనివాస్‍రెడ్డి
వరంగల్, వెలుగు : వరంగల్లో అత్యాధునాతనంగా నిర్మించిన మల్టీ సూపర్ స్పెషాలిటీ హాస్పిటల్ సాఫ్ట్ లాంచ్చేస్తామని, ఆరోజు నుంచి అవుట్ పేషెంట్(ఓపీ) సేవలు ప్రారంభమవుతాయని మంత్రి పొంగులేటి శ్రీనివాస్‍రెడ్డి తెలిపారు. గురువారం మంత్రి ధనసరి సీతక్క, ఎంపీ వేం నరేందర్‍రెడ్డి, ఎమ్మెల్సీ బస్వరాజు సారయ్య, ఎమ్మెల్యేలు నాయిని రాజేందర్‍రెడ్డి, కేఆర్‍.నాగరాజు, రేవూరి ప్రకాశ్‍రెడ్డితో కలిసి ఆయన హాస్పిటల్ ను సందర్శించారు.
ఈ సందర్భంగా మంత్రి మీడియాతో మాట్లాడుతూ వరంగల్ సూపర్ స్పెషాలిటీ హాస్పిటల్లో హైదరాబాద్‍ నిమ్స్ తరహాలో అత్యుత్తమ ట్రీట్‍మెంట్‍ అందించనున్నట్లు తెలిపారు. ఎంజీఎం హాస్పిటల్లో ఎదురవుతున్న సమస్యలను దృష్టిలో పెట్టుకుని ముందుగా ఈనెల 20న మొదటి 2 అంతస్తుల్లో ఈ ఓపీ సేవలు ప్రారంభిస్తున్నట్లు చెప్పారు. గత బీఆర్‍ఎస్‍ ప్రభుత్వం మొండి గోడలతో వదిలేసిన సూపర్ స్పెషాలిటీ హాస్పిటల్‍ను తమ ప్రభుత్వం యుద్ధప్రాతిపాదికన పూర్తిచేసిందన్నారు.
ఎంజీఎంలో 3 వేల వరకు ఉన్న ఓపీ సంఖ్య సూపర్ స్పెషాలిటీ హాస్పిటల్ ప్రారంభం తర్వాత 5 వేలకు పెరిగే అవకాశముందన్నారు. డిసెంబర్‍ 15 నాటికి హాస్పిటల్లో పనులన్నీ పూర్తి చేయాలని ఆదేశించారు. కార్యక్రమంలో కుడా చైర్‍పర్సన్‍ గుండు సుధారాణి, వరంగల్, హనుమకొండ కలెక్టర్లు డాక్టర్‍ సత్యశారద, చాహత్‍ బాజ్‍పాయ్‍ పాల్గొన్నారు.
