మద్యం మత్తులో ఓ వ్యక్తి ఉరి వేసుకుని ఆత్మహత్య చేసుకున్నాడు. ఈ ఘటన ఆదివారం దుండిగల్ పీఎస్ పరిధిలో చోటుచేసుకుంది. పోలీసుల వివరాల ప్రకారం.. గాగిల్లాపూర్ పరిధిలోని చైతన్యనగర్ కాలనీలో ఉంటున్న మహేందర్ సింగ్ (34) డ్రైవర్. ఇతనికి భార్య, ముగ్గురు పిల్లలు ఉన్నారు. అయితే ఆరు నెలలుగా పని మానేసి మద్యానికి బానిసయ్యాడు. ఈ క్రమంలోనే డబ్బులు కావాలంటూ భార్యను వేధించేవాడు. తరచూ ఇద్దరి మధ్య గొడవలు జరుగుతున్నాయి. ఆదివారం మధ్యాహ్నం 2.30 సమయంలో మద్యం మత్తులో ఉన్న మహేందర్ సింగ్ ఇంటికి సమీపంలో నిలిపి ఉన్న సెప్టిక్ట్యాంకర్కు చున్నీతో ఉరి వేసుకున్నాడు. గమనించిన స్థానికులు కిందికి దించేలోపే చనిపోయాడు. మృతుడి భార్య ఫిర్యాదు మేరకు దుండిగల్ పోలీసులు కేసు నమోదు చేసుకుని దర్యాప్తు చేస్తున్నారు.
