మాదాపూర్, వెలుగు: బ్రెస్ట్ క్యానర్స్ మూడో స్టేజ్లో ఉన్న సోమాలియా దేశానికి చెందిన గర్భిణికి మాదాపూర్ మెడికవర్ క్యాన్సర్ హాస్పిటల్ డాక్టర్లు విజయవంతంగా ట్రీట్ మెంట్ అందించారు. మంగళవారం హాస్పిటల్లో ఏర్పాటు చేసిన మీడియా సమావేశంలో అంకాలజిస్ట్ డాక్టర్ సాద్విక్ రఘురాం వివరాలు వెల్లడించారు. సోమాలియాకు చెందిన ఫదుమో మహ్మద్ ఒమర్(33) మూడు నెలల గర్భిణిగా ఉన్నప్పుడు ఆమెకు బ్రెస్ట్ క్యానర్ మూడో స్టేజ్లో ఉన్నట్లు తెలిసింది.
మాదాపూర్లోని మెడికవర్ క్యాన్సర్ ఇనిస్టిట్యూట్లో ఆమె అడ్మిట్ కాగా.. అంకాలజిస్ట్ డాక్టర్ సాద్విక్ పరీక్షించి ట్రీట్మెంట్ మొదలుపెట్టారు. మహిళతో పాటు ఆమెకు పుట్టబోయే బిడ్డను కాపాడేందుకు కీమోథెరపీ అందజేశారు. ట్రీట్మెంట్ టైమ్లో ఆమె ఆరోగ్యాన్ని నిరంతరం పర్యవేక్షించారు. కీమో కోర్సు విజయవంతంగా పూర్తి కావడంతో ఇటీవల ఆ మహిళ బాబుకు జన్మనిచ్చింది. ప్రస్తుతం తల్లీబిడ్డ ఆరోగ్యంగా ఉన్నట్లు డాక్టర్లు తెలిపారు. సమావేశంలో స్టాఫ్ పాల్గొన్నారు.