తెలంగాణ రాష్ట్రం ఏర్పడిన తర్వాత తొలిసారిగా తెలుగు సినీ పరిశ్రమకు అవార్డులు ప్రకటించారు. ఉత్తమ నటుడిగా అల్లు అర్జున్ (పుష్ప 2), ఉత్తమ నటిగా నివేదా థామస్ (35 చిన్న కథ కాదు), ఉత్తమ డైరెక్టర్గా కల్కి ఫేమ్ నాగ్ అశ్విన్ అవార్డ్స్ దక్కించుకున్నారు. ఈ సందర్భంగా ఐకాన్ స్టార్ అల్లు అర్జున్ X వేదికగా తెలంగాణ ప్రభుత్వానికి కృతజ్ఞతలు తెలిపారు.
‘పుష్ప 2 మూవీకి గానూ మొదటి ఉత్తమ నటుడిగా గద్దర్ ఫిల్మ్ అవార్డు అందుకోవడం నిజంగా గౌరవంగా ఉంది. ఈ ప్రతిష్టాత్మక పురస్కారంతో సత్కరిస్తున్న తెలంగాణ ప్రభుత్వానికి హృదయపూర్వక ధన్యవాదాలు.
నా దర్శకుడు సుకుమార్ గారు, నా నిర్మాతలు మరియు మొత్తం పుష్ప బృందానికి పూర్తి క్రెడిట్లు దక్కుతాయి. ఈ అవార్డును నా అభిమానులందరికీ అంకితం చేస్తున్నాను, మీ నిరంతర మద్దతు నాకు స్ఫూర్తినిస్తూనే’ ఉందని అల్లు అర్జున్ పోస్టు ద్వారా కృతజ్ఞతలు తెలిపారు.
I am truly honoured to receive the first Best Actor award for #Pushpa2 at the #GaddarTelanganaFilmAwards 2024.
— Allu Arjun (@alluarjun) May 29, 2025
Heartfelt thanks to the Government of Telangana for this prestigious honour .
All credit goes to my director Sukumar garu, my producers, and the entire Pushpa team.
I…
పుష్ప 2 సంచలనం:
పుష్ప 2 సినిమా తెలంగాణలో సంచలనం రేపింది. పుష్ప 2 ప్రమోషన్స్ లో సీఎం పేరు అల్లు అర్జున్ మరిచిపోవడం, బెనిఫిట్ షోలో ఓ మహిళ తొక్కిసలాటలో మృతిచెందడం, ఆమె కొడుకు ఆసుపత్రిలో నెలల తరబడి చికిత్స పొందడం వంటి అంశాలతో పుష్ప 2 వివాదాల్లో నిలిచింది.
అంతేకాకుండా సంధ్య థియేటర్ తొక్కిసలాట ఘటనలో అల్లు అర్జున్ పోలీసు స్టేషన్ల చుట్టూ, కోర్టుల చుట్టూ తిరగాల్సి వచ్చింది. ఒకరోజు జైలు జీవితం కూడా గడిపాడు. ఇక అదే టైంలో సినీ ఇండస్ట్రీల్లోనే ఎటువంటి బెనిఫిట్ షోలు, టికెట్ల ధరలు పెంపు వంటివి ఉండవని తెలంగాణ ప్రభుత్వం పెద్ద నిర్ణయమే తీసుకుంది... ఈ క్రమంలో అదే తెలంగాణ ప్రభుత్వం చేతుల మీదుగా గద్దర్ అవార్డుకు ఉత్తమ నటుడుగా అల్లు అర్జున్ ను (పుష్ప 2) ఎంపిక చేయడం గమనార్హం.
‘పుష్ప 2: ది రూల్’ రికార్డ్స్:
‘పుష్ప 2: ది రూల్’ డిసెంబర్ 5న ప్రపంచవ్యాప్తంగా అత్యధిక థియేటర్లలో, స్క్రీన్లలో విడుదలైన సినిమాగా చరిత్ర సృష్టించింది. థియేట్రికల్ రన్లో రూ.1800 కోట్లకు పైగా కలెక్షన్లు సాధించి పుష్ప-2 బాక్సాఫీస్ రికార్డులను రప్ప..రప్ప చేసి పడేసింది.
భారతీయ సినీ చరిత్రలోనే ఇండస్ట్రీ హిట్ కొట్టి తెలుగు సినిమా స్థాయి ‘తగ్గేదేలే’ అని అల్లు అర్జున్, సుకుమార్ మరోసారి రుజువు చేశారు. ఈ సినిమాతో అల్లు అర్జున్ తన స్థాయిని గ్లోబల్ రేంజ్ కు పాకేలా పెంచుకున్నాడు. దానికి తోడు హిందీ నెట్‍ కలెక్షన్ల విషయంలో రూ.800కోట్ల మార్క్ బీట్ చేసిన ఫస్ట్ మూవీ కూడా పుష్ప 2 కావడం విశేషం. ఈ రికార్డ్ ఏ బాలీవుడ్ మూవీకి కూడా సాధ్యపడలేదు.
