సుజాతనగర్, వెలుగు : ఇటీవల గొత్తికోయల దాడిలో చనిపోయిన ఫారెస్ట్ రేంజర్ శ్రీనివాసరావు కూతురు కృతిక రాష్ట్ర సబ్ జూనియర్ అథ్లెటిక్స్ లాంగ్ జంప్లో బంగారు పతకాన్ని సాధించింది. హైదరాబాద్ జీఎంసీ బాలయోగి స్టేడియంలో 5, 6 తేదీల్లో జరిగిన రాష్ట్ర సబ్ జానియర్ అథ్లెటిక్స్ ఛాంపియన్ షిప్ లో భద్రాద్రి కొత్తగూడెం జిల్లాకు ప్రాతినిధ్యం వహించింది. 10 ఏండ్ల విభాగంలో నిర్వహించిన లాంగ్ జంప్ పోటీల్లో ప్రతిభ చూపి గోల్డ్ మెడల్సాధించిందని జిల్లా అథ్లెటిక్స్ అసోసియేషన్ జనరల్ సెక్రెటరీ కె.మహిధర్ తెలిపారు.
అలాగే కొత్తగూడెంకు చెందిన వేదశ్రీ షాట్ ఫుట్ లో గోల్డ్ ,100 మీటర్ల పరుగుపందెం లో సిల్వర్ , పాల్వంచకు చెందిన బి.లోకేష్ 100 మీటర్ల పరుగుపందెంలో గోల్డ్, భద్రాచలంకు చెందిన ఎస్‌కే.అమ్రీన్ కు షాట్ పుట్ లో కాంస్య పతకం సాధించారు. జిల్లా అసోసియేషన్ ప్రెసిడెంట్ జీవీకే మనోహర్ రావు..కృతిక కోచ్ మల్లికార్జున్ ను ప్రత్యేకంగా అభినందించారు.
