హైదరాబాద్, వెలుగు : రాష్ట్రంలోని ఫుడ్ ప్రాసెసింగ్ రంగంలో రూ.7,218 కోట్ల పెట్టుబడి పెట్టేందుకు పలు సంస్థలు ముందుకు వచ్చాయి. శనివారం హెచ్ఐసీసీలో నిర్వహించిన తెలంగాణ ఫుడ్ కాంక్లేవ్ తొలి ఎడిషన్ మొదటి రోజు పలు సంస్థలు ప్రభుత్వంతో ఎంవోయూ చేసుకున్నాయి. ఈ సందర్భంగా మంత్రి కేటీఆర్ మాట్లాడుతూ.. తమ ప్రభుత్వం ఫుడ్ ప్రాసెసింగ్ రంగానికి అధిక ప్రాధాన్యత ఇచ్చిందని, ఐదేండ్లలోనే రూ.7 వేల కోట్లకు పైగా పెట్టుబడులు సాధించామని తెలిపారు. రాష్ట్ర వ్యాప్తంగా 10 వేలకు పైగా ఎకరాల్లో ప్రాసెసింగ్ జోన్లను ఏర్పాటు చేస్తున్నామని వెల్లడించారు.
వ్యవసాయంతో పాటు ఆక్వా, డెయిరీ, ఆగ్రో ప్రాసెసింగ్, ఆయిల్ ప్రాసెసింగ్ రంగాల్లోనూ పెట్టుబడులకు అద్భుత అవకాశాలున్నాయని చెప్పారు. శనివారం వచ్చిన పెట్టుబడులతో 58,458 మందికి ఉద్యోగ అవకాశాలు వస్తాయని మంత్రి వివరించారు. కార్యక్రమంలో మంత్రులు నిరంజన్రెడ్డి, తలసాని శ్రీనివాస్యాదవ్, నీతి ఆయోగ్మెంబర్డాక్టర్రమేశ్చంద్, ఇండియన్ డెయిరీ అసోసియేషన్ అధ్యక్షుడు డాక్టర్ ఆర్ఎస్ సోధి, డాక్టర్ విజయ్గుప్తా, శివకుమార్తదితరులు పాల్గొన్నారు.
