జీడిమెట్ల/అల్వాల్, వెలుగు: రాష్ట్ర ప్రభుత్వం మహిళల సేఫ్టీకి ఇంపార్టెన్స్ ఇస్తోందని సైబరాబాద్ సీపీ స్టీఫెన్ రవీంద్ర తెలిపారు. పేట్ బషీరాబాద్, అల్వాల్ పోలీస్ స్టేషన్లలో సీడీఈడబ్ల్యూ(సెంటర్ ఫర్ డెవలప్మెంట్ ఆఫ్ విమెన్ సొసైటీ) సెంటర్లను, విమెన్ సేఫ్టీ కోసం ఏర్పాటు చేసిన స్పెషల్ వెహికల్ను సోమవారం ఆయన ప్రారంభించారు. ఈ సందర్భంగా సీపీ మాట్లాడుతూ.. చిన్న చిన్న సమస్యలకు భార్యాభర్తలు విడిపోకుండా కౌన్సిలింగ్ నిర్వహించి వారిని కలిపేందుకు ఈ సెంటర్లు పనిచేస్తాయని చెప్పారు. కార్యక్రమంలో సీడీఈడబ్ల్యూ, చిల్డ్రన్ సేఫ్టీ వింగ్ డీసీపీ నిఖిత్ పంత్, పేట్ బషీరాబాద్ ఏసీపీ రామలింగరాజు, మేడ్చల్ ట్రాఫిక్ డీసీపీ శ్రీనివాసరావు, సీఐలు పాల్గొన్నారు. జీడిమెట్ల పోలీస్ స్టేషన్ లో ఏర్పాటు చేసిన సీడీఈడబ్ల్యూ సెంటర్ను డీసీపీ శ్రీనివాసరావు ప్రారంభించారు.
