సోషల్ మీడియాలో ప్రముఖ పారిశ్రామికవేత్త ఆనంద్ మహీంద్రా చాలా యాక్టీవ్ గా ఉంటారు. ఆయన ఏదైనా షేర్ చేశాడంటే అది కచ్చితంగా అందరిని కదిలిస్తుంది. తాజాగా ఆయన షేర్ చేసిన ఓ ఫోటో సోషల్ మీడియాలో తెగ వైరల్ గా మారింది. 75వ స్వాతంత్ర్య దినోత్సవం సందర్భంగా ప్రధాని నరేంద్ర మోడీ 'హర్ ఘర్ తిరంగా' అని పిలుపునివ్వడంతో దేశవ్యాప్తంగా భారతీయులు ప్రచారాన్ని ముక్తకంఠంతో స్వీకరించారు.
అందులో భాగంగా ఓ వృద్ద జంట చాలా కష్టపడి తమ ఇంటి పై జాతీయ జెండాను ఎగురవేయడంలో విజయం సాధించారు. ఈ ఫోటోలో వృద్ద జంట తమ ఇంటి పైకప్పుపై జాతీయ జెండాను ఎగురవేసేందుకు చాలా కష్టపడుతున్నట్లుగా కనిపిస్తుంది. భార్య ఓ ఇనుప డ్రమ్‌పై నిలబడి జెండాను ఇంటి కప్పుపై ఉంచడానికి ప్రయత్నిస్తుంటే ఆమె కిందపడకుండా జాగ్రత్తగా పట్టుకున్నాడు ఆమె భర్త.
If you ever were wondering why such a fuss over Independence Day, just ask these two people. They will explain it better than any lecture can. Jai Hind. ?? pic.twitter.com/t6Loy9vjkQ
— anand mahindra (@anandmahindra) August 14, 2022
అయితే ఈ ఫోటో ఎక్కడన్నది తెలియదు కానీ ఆనంద్ మహీంద్రాను మాత్రం బాగా కట్టిపడేసింది. దీంతో ఆయన తన ట్విట్టర్ లోకి వెళ్లి. "స్వాతంత్ర్య దినోత్సవం సందర్భంగా ఇంత గొడవ ఎందుకు అని మీరు ఎప్పుడైనా ఆలోచిస్తే.. ఈ ఇద్దరిని అడగండి. వారు ఏ ఉపన్యాసం చేయగలిగే దానికంటే బాగా వివరిస్తారు. జై హింద్, " అంటూ పోస్ట్ చేసారు. ఈ పోస్ట్ కు ఇప్పటివరకు లక్షా ముప్పై ఆరు వేల లైక్‌లు రాగా, 13 వేల మంది రీట్వీట్ చేశారు.
