కాంగ్రెస్ ప్రెసిడెంట్పదవికి రాహుల్గాంధీ రాజీనామా చేసిన నేపథ్యంలో కొత్త ప్రెసిడెంట్గా ఆయన సోదరి ప్రియాంక గాంధీ వాద్రా అయితే బాగుంటుందని పార్టీ సీనియర్ నేత, కేంద్ర మాజీ మంత్రి కరణ్ సింగ్అన్నారు. పార్టీలో అందరినీ ఒక్కటిగా కలిపే శక్తి ప్రియాంక గాంధీకే ఉందని ఆయన తెలిపారు. అధినేత లేకుండా ఎక్కువ కాలం కొనసాగడం పార్టీకి తీవ్ర నష్టం కలిగిస్తుందన్నారు. రాహుల్ గాంధీ స్థానంలో మరో యువ నేత ప్రెసిడెంట్గా రావాలంటూ పంజాబ్ సీఎం అమరీందర్సింగ్, తిరువనంతపురం ఎంపీ శశి థరూర్ చేసిన కామెంట్లను కరణ్ సింగ్సమర్థించారు. దేశంలో జనరేషన్ మార్పు కనిపిస్తోందని, దానిని అంగీకరించి, అందుకు అనుకూలంగా మారాలన్నారు. ప్రియాంక తెలివైన యువతి అని, ఆమె సోన్భద్ర విషయంలో చక్కగా స్పందించారని చెప్పారు. అయితే, కాంగ్రెస్ ప్రెసిడెంట్పదవి చేపట్టాలంటూ ఆమెను బలవంతంగా ఒప్పించరాదన్నారు. ఆమె పార్టీ ప్రెసిడెంట్అయితే మాత్రం పార్టీ శ్రేణుల్లో కొత్త ఉత్సాహం నింపుతారన్నారు. కాగా, లోక్సభ ఎన్నికల్లో కాంగ్రెస్ఓటమి నేపథ్యంలో కాంగ్రెస్ ప్రెసిడెంట్పదవికి రాహుల్ గాంధీ మే 25న రాజీనామా చేయడం తెలిసిందే. ఆయన రాజీనామాను కాంగ్రెస్ వర్కింగ్కమిటీ(సీడబ్ల్యూసీ) ఇంకా ఆమోదించలేదు. ఆగస్టు 10న సమావేశం కానున్నట్లు ఇటీవల ప్రకటించినందున పార్టీ ప్రెసిడెంట్ఎన్నికకు సంబంధించి కీలక నిర్ణయం వెలువడే అవకాశం ఉంది.
