గండిపేట, వెలుగు: గంజాయి అమ్ముతున్న ముగ్గురిని రాజేంద్రనగర్ ఎస్వోటీ, మోకిల పోలీసులు అరెస్ట్ చేశారు. రాజేంద్రనగర్ డీసీపీ ఆఫీసులో బుధవారం ఏర్పాటు చేసిన మీడియా సమావేశంలో డీసీపీ జగదీశ్వర్ రెడ్డి వివరాలు వెల్లడించారు. ఘట్కేసర్లోని జగదాంబ థియేటర్ ప్రాంతానికి చెందిన శ్రీకాంత్(25) కారు డ్రైవర్గా పనిచేస్తున్నాడు. గంజాయిని బెంగళూరుకు తరలించేందుకు తమిళనాడుకు చెందిన ప్రేమ్ కుమార్(36), జాన్(26)తో శ్రీకాంత్ ఒప్పందం కుదుర్చుకున్నాడు.
గత నెల 31న వెంకీ అనే వ్యక్తిని కలిసి రూ.500కు కిలో చొప్పున 120 కిలోల గంజాయిని కొన్నాడు. మంగళవారం రాత్రి 2 కార్లలో గంజాయితో శ్రీకాంత్, ప్రేమ్ కుమార్, జాన్ ముగ్గురు బెంగళూరుకు బయలుదేరారు. సమాచారం అందుకున్న రాజేంద్రనగర్ ఎస్వోటీ, మోకిల పోలీసులు ఓఆర్ఆర్పై నిఘా పెట్టారు. 2 కార్లను అడ్డుకున్నారు. ముగ్గురిని అదుపులోకి తీసుకున్నారు. 120 కిలోల గంజాయి, కార్లను స్వాధీనం చేసుకున్నారు. నిందితులను రిమాండ్కు తరలించారు.
