ఆసిఫాబాద్, వెలుగు: బాలికపై అత్యాచారం చేసిన నిందితుడికి కుమ్రంభీం ఆసిఫాబాద్ జిల్లా కోర్టు పదేళ్ల జైలు శిక్ష విధించింది. 2015 జులై 23న జైనూర్ మండలంలోని ఓ గ్రామానికి చెందిన బాలిక (14)కు మాయమాటలు చెప్పి అత్యాచారం చేశాడో వ్యక్తి. తమ కూతురు కనిపించకపోవడంతో తల్లిదండ్రులు ఆమె కోసం వెతికారు. పొలంలో పడి ఉన్న ఆమెను చూసి ఆస్పత్రికి తీసుకెళ్లారు. జరిగిన విషయం ఆ అమ్మాయి చెప్పడంతో జైనూర్ పోలీసులకు ఫిర్యాదు చేశారు.
పోలీసులు కోర్టులో చార్జిషీటు దాఖలు చేశారు. అదనపు పీపీ రమణారెడ్డి 16 మంది సాక్షులను కోర్ఉలో ప్రవేశపెట్టారు. కేసును విచారించిన జిల్లా అదనపు కోర్టు జడ్జి జస్టిస్ టి. శ్రీనివాస్రావు బుధవారం నిందితుడికి పదేళ్ల జైలు శిక్ష విధించారు. రూ.500 జరిమానా వేశారు. బాధితురాలి కుటుంబానికి లక్ష రూపాయల పరిహారం అందజేయాల్సిందిగా జిల్లా లీగల్ సర్వీస్ అథారిటీని ఆదేశించారు.