- ప్రచార వాహనం ఢీకొని ఒకరు మృతి
- అచ్చంపేటలో విషాదం
అచ్చంపేట, వెలుగు : నాగర్కర్నూల్ జిల్లా అచ్చంపేటలో ఎన్నికల ప్రచార వాహనం ఢీకొని ఒకరు చనిపోయారు. ఎస్సై గోవర్ధన్ కథనం ప్రకారం...లింగాల మండలం దత్తారం గ్రామానికి చెందిన కోట్ల భాస్కర్ (30) గురు వారం అచ్చంపేట నుంచి తెలకపల్లికి బైక్పై వెళ్తున్నాడు. పట్టణంలోని శివ సాయి నగర్ కాలనీ సమీపంలోకి రాగానే ముందు వెళ్తున్న బీఎస్పీకి చెందిన ప్రచార వాహనం అకస్మాత్తుగా సిగ్నల్స్ ఇవ్వకుండా టర్న్ తీసుకుంది. దీంతో వెనక వస్తున్న భాస్కర్ప్రచార వాహనాన్ని ఢీకొట్టడంతో తీవ్రంగా గాయపడి అక్కడికక్కడే చనిపోయాడు. కేసు నమోదు చేసి దర్యాప్తు చేస్తున్నట్లు ఎస్సై తెలిపారు.
