హైదరాబాద్, వెలుగు: రాష్ట్రంలో 2020–21లో మూడు నోటిఫికేషన్లు మాత్రమే టీఎస్పీఎస్సీ రిలీజ్ చేసింది. ఈ నోటిఫికేషన్లలో 149 పోస్టులను భర్తీ చేయనున్నట్టు ప్రకటించింది. ఈ విషయాన్ని టీఎస్పీఎస్సీ 2020–21 వార్షిక నివేదికలో వెల్లడించింది. ఈ రిపోర్టును గవర్నర్ తమిళిసై విడుదల చేశారు. టీఎస్పీఎస్సీ చైర్మన్ జనార్దన్రెడ్డి నేతృత్వంలో కమిషన్ సభ్యులు రమావత్ ధన్ సింగ్, లింగారెడ్డి, అరుణకుమారి, కారం రవీందర్రెడ్డి, చంద్రశేఖర్రావు, సత్యనారాయణ, సెక్రటరీ అనితారామచంద్రన్ మంగళవారం రాజ్భవన్లో గవర్నర్ను కలిశారు. టీఎస్పీఎస్సీ వార్షిక నివేదికను ఆమెకు సమర్పించారు. ఈ సందర్భంగా గతేడాది టీఎస్పీఎస్సీ పనితీరుతోపాటు ప్రస్తుతం ప్రభుత్వం ప్రకటించిన ఖాళీల భర్తీ తదితర అంశాలను చైర్మన్ జనార్దన్రెడ్డి గవర్నర్కు వివరించారు.
