హైదరాబాద్, వెలుగు: సిటీ రోడ్ల వెంట నెలల తరబడి పార్క్చేసిన వెహికల్స్ను ట్రాఫిక్ పోలీసులు సీజ్ చేస్తున్నారు. మంగళవారం ఒక్కరోజే 34 వెహికల్స్ ను సీజ్చేసినట్లు సిటీ ట్రాఫిక్ చీఫ్ఏవీ రంగనాథ్తెలిపారు. కాలనీలు, పబ్లిక్పేసుల్లో కొన్ని నెలలుగా నిలిపి ఉంచిన వెహికల్స్కు 15 రోజుల కింద నోటీసులు అంటించామని చెప్పారు. ఓనర్స్ నుంచి ఎలాంటి స్పందన రాని వాటిని గోషామహల్‌ పోలీస్ స్టేడియంకు తరలిస్తున్నామని వెల్లడించారు. మంగళవారం నుంచి స్పెషల్‌ డ్రైవ్ చేపట్టినట్లు తెలిపారు. మొదటిరోజు అబిడ్స్, కోఠి, సుల్తాన్ బజార్‌ పరిసర ప్రాంతాల్లోని వెహికల్స్ను సీజ్ చేశామని వెల్లడించారు. కోర్టు అనుమతితో త్వరలో వీటిని వేలం వేస్తామని స్పష్టం చేశారు. ఇలాంటి వెహికల్స్ ఏమైనా రోడ్లపై ఉంటే స్థానిక పోలీసులకు సమాచారం ఇవ్వాలని కోరారు.
