జేఎన్టీయూ, వెలుగు: కూకట్పల్లిలోని జేఎన్టీయూ రెక్టార్గా ప్రొఫెసర్ విజయకుమార్ రెడ్డి నియమితులయ్యారు. ఈ మేరకు బుధవారం వర్సిటీ ఇన్చార్జి రిజిస్ట్రార్ వెంకటేశ్వరరావు ఉత్తర్వులు జారీ చేశారు. మెకానికల్ ఇంజనీరింగ్ సీనియర్ ప్రొఫెసర్, జేఎన్టీయూ కాలేజ్ ఆఫ్ ఇంజనీరింగ్ సైన్స్ అండ్ టెక్నాలజీ ప్రిన్సిపాల్గా విధులు నిర్వహిస్తున్న విజయకుమార్ రెడ్డి.. వర్సిటీ రెక్టార్గా ఏడాది పాటు లేదా తదుపరి ఉత్తర్వులు వచ్చే వరకు ఉంటారని రిజిస్ట్రార్ తెలిపారు.
ఇంజనీరింగ్ కాలేజీలో వైస్ ప్రిన్సిపాల్గా పనిచేస్తున్న డాక్టర్ జీవీ నరసింహారెడ్డికి ప్రిన్సిపాల్గా అదనపు బాధ్యతలు అప్పగించారు. మెకానికల్ ఇంజనీరింగ్ ప్రొఫెసర్, ఎగ్జామినేషన్స్ కంట్రోలర్గా విధులు నిర్వహిస్తున్న డాక్టర్ ఎ. అరుణకుమారిని జేఎన్టీయూహెచ్ డైరెక్టరేట్ ఆఫ్ ఎగ్జామినేషన్స్(డ్యూఎక్స్) డైరెక్టర్, సీనియర్ ప్రొఫెసర్ డాక్టర్ తారా కళ్యాణిని డైరెక్టర్ ఆఫ్ అఫిలియేషన్స్ అండ్ అకడమిక్ ఆడిట్ ఇన్చార్జి డైరెక్టర్గా నియమించారు.
