వనస్థలిపురం పోలీస్ స్టేషన్ పరిధిలో రోడ్డు ప్రమాదం చోటుచేసుకుంది. పదిమంది స్కూల్ విద్యార్థులతో వెళ్తున్న స్కూల్ వ్యాన్ ను పోలీస్ వెహికల్ వెనుక నుండి వేగంగా ఢీకొట్టింది. ఈ ఘటనలో పదిమంది విద్యార్థులకు స్వల్ప గాయాలయ్యాయి. పనమా గోడౌన్స్ వద్ద ఘటన చోటుచేసుకుంది. విద్యార్థులను స్థానిక పోలీసులు అక్కడి నుండి హుటాహుటిన ఆటోలో ఆసుపత్రికి తరలించారు. ఈ ఘటన సంబంధించిన వివరాలను పోలీసులు గోప్యంగా ఉంచుతున్నారు. సమాచారం కోసం ప్రయత్నించినా స్పందించలేదు. పోలీస్ వాహనం కావడంతోనే సమాచారం ఇవ్వడంలో స్థానిక పోలీసులు స్పందించలేదని తెలుస్తోంది. ఇది ఇలా ఉండగా పోలీస్ వెహికల్ నడిపిన వ్యక్తి డ్రింక్ చేశాడని సమాచారం.
