మహీంద్రా గ్రూప్ చైర్మన్ ఆనంద్ మహీంద్రా సోషల్ మీడియాలో ఎంత యాక్టీవ్ గా ఉంటారో ప్రత్యేకంగా చెప్పాల్సిన పనిలేదు. తనదైన ట్వీట్ లతో యువతలో స్పూర్తి నింపుతారాయన. అంతేకాకుండా తన ఫాలోవర్స్ అడిగే ప్రశ్నలకు చమత్కారంగా సమాధానాలు ఇస్తుంటారు. తాజాగా ఓ ఫాలోవర్ ఆనంద్ మహీంద్రాను మీ విద్యార్హతేంటి? అని ప్రశ్నించగా దానికి ఆయన ‘వాస్తవంగా చెప్పాలంటే నా వయస్సులో ఏ మెరిట్కైనా ఏకైక అర్హత అనుభవం మాత్రమే’ అని సమాధానం ఇచ్చారు. ప్రస్తుతం ఈ ట్వీట్ సోషల్ మీడియాలో వైరల్ గా మారింది.
Beautiful photograph, Abhishek.
— anand mahindra (@anandmahindra) June 27, 2022
She is my #MondayMotivation https://t.co/NMViCvaAwO
అసలు ఈ ట్వీట్ కు కారణం ఓ బాలిక. హిమాచల్ ప్రదేశ్ లో పర్యటిస్తున్న ఓ వ్యక్తి అక్కడి పర్వత ప్రాంతంలో ఓ చిన్నారి ఒంటరిగా కూర్చుని చదువుకుంటున్న ఫొటోను ట్విటర్లో పోస్ట్ చేస్తూ ఆనంద్ మహీంద్రాకి ట్యాగ్ చేశాడు. దీనిపైన మహీంద్రా స్పందిస్తూ ఈ ఫొటో ఎంతో బాగుందని, ఆ బాలికను తాను ప్రేరణగా తీసుకుంటానని వెల్లడించారు. ఈ క్రమంలో ఓ నెటిజన్ ఆనంద్ మహీంద్రా విద్యార్హత గురించి తెలుసుకునే ప్రయత్నం చేశాడు.
Frankly, at my age, the only qualification of any merit is experience… https://t.co/azCKBgEacF
— anand mahindra (@anandmahindra) June 27, 2022