బిహార్ ప్రభుత్వ పరిశ్రమల శాఖ, ఉపేంద్ర మహారథి శిల్ప్ అనుసంధాన్ సంస్థాన్ ఆధ్వర్యంలో మాదాపూర్ శిల్పారామంలో శుక్రవారం ‘బిహార్ క్రాఫ్ట్ ఫెయిర్’ ప్రారంభమైంది. బిహార్ పరిశ్రమల శాఖ స్పెషల్ సెక్రటరీ, సంస్థాన్ డైరెక్టర్ అలోక్ కుమార్ పాల్గొని మేళాను ప్రారంభించారు. 25వ తేదీ వరకు జరగనున్న మేళాలో మొత్తం 80 స్టాల్స్ పెట్టారు. సిక్కి ఆర్ట్, మంజుషా ఆర్ట్, సుజ్ని ఆర్ట్, మధుబని పెయింటింగ్, టికులీ ఆర్ట్ వంటి 5 కళలను ప్రత్యక్షంగా చూపెట్టనున్నట్లు చెప్పారు. బిహార్ వంటకాలు, కల్చరల్ యాక్టివిటీస్ ఉంటాయన్నారు. అనంతరం ఆంఫీ థియేటర్లో మైత్రిరావు శివాంశ స్కూల్ ఆర్ట్స్ టీమ్ ప్రదర్శించిన భరత నాట్యం ఆకట్టుకుంది. శిల్పారామం జీఎంలు అంజయ్య, వెంకటేశ్వర్లు పాల్గొన్నారు.
