మియాపూర్/గండిపేట, వెలుగు: కేంద్రంలో మళ్లీ వచ్చేది బీజేపీ ప్రభుత్వమేనని చేవెళ్ల బీజేపీ ఎంపీ అభ్యర్థి కొండా విశ్వేశ్వర్రెడ్డి సతీమణి సంగీతారెడ్డి చెప్పారు. ఎన్నికల ప్రచారంలో భాగంగా బుధవారం ఆమె శేరిలింగంపల్లిలో పర్యటించారు. మియాపూర్డివిజన్లో కొత్తగా ఏర్పాటు చేసిన బీజేపీ ఆఫీసును ప్రారంభించారు. అనంతరం ప్రభాసి ఒడియా శ్రామిక సమ్మేళనంలో పాల్గొని మాట్లాడారు. మోదీ నేతృత్వంలో మరో సారి బీజేపీ ప్రభుత్వాన్ని ఏర్పాటు చేయబోతుందని ధీమా వ్యక్తం చేశారు.
చేవెళ్లలో కొండా విశ్వేశ్వర్రెడ్డిని భారీ మెజార్టీతో గెలిపించాలని కోరారు. అలాగే మణికొండలోని జైన్కార్టూన్లు క్రీక్అపార్ట్మెంట్లో భర్తకు మద్దతుగా సంగీతారెడ్డి ప్రచారం చేశారు. ఈసారి బీజేపీ 400కు పైగా ఎంపీ సీట్లు గెలుస్తుందని, తెలంగాణలో అత్యధిక సీట్లు గెలుచుకునేది బీజేపీనేనని చెప్పారు. గడిచిన పదేండ్లలో భారత్ను ప్రధాని మోదీ ఎంతో అభివృద్ధి చేశారని తెలిపారు. ఆమె వెంట బీజేపీ నాయకులు, కార్యకర్తలు ఉన్నారు.
