ముషీరాబాద్, వెలుగు: అంతర్జాతీయ యోగా దినోత్సవం సందర్భంగా కేంద్ర సమాచార ప్రసార మంత్రిత్వ శాఖకు చెందిన సెంట్రల్ బ్యూరో ఆఫ్ కమ్యూనికేషన్ ఆధ్వర్యంలో మంగళవారం కాకా బీఆర్ అంబేద్కర్ కాలేజీలోని స్టూడెంట్లకు ‘సంపూర్ణ ఆరోగ్యానికి యోగా’ అంశంపై వ్యాస రచన పోటీలు నిర్వహించారు.
ఈ పోటీల్లో భారీ సంఖ్యలో స్టూడెంట్లు పాల్గొన్నారని మేనేజ్మెంట్ తెలిపింది. విజేతలకు బుధవారం కాలేజీ ఆవరణలో మెమొంటోలు, సర్టిఫికెట్లు అందజేస్తామని పేర్కొంది. కార్యక్రమంలో సెంట్రల్ బ్యూరో ఆఫ్ కమ్యూనికేషన్ డైరెక్టర్ ఇనుముల హరిబాబు, అంబేద్కర్ కాలేజీ ఎన్ఎస్ఎస్ ప్రోగ్రామ్ ఆఫీసర్ శ్రీధర్, కుమార స్వామి, మాధవి పాల్గొన్నారు.
