భారతీయ జనతా పార్టీకి చెందిన ఎన్నికల ప్రచార పాటను ఎన్నికల కమిషన్ బ్యాన్ చేసింది. పశ్చిమ బెంగాల్ రాష్ట్రానికి చెందిన బీజేపీ నేత, కేంద్ర మంత్రి బాబుల్ సుప్రియో కంపోజ్ చేసిన ఈ పాట తృణమూల్ కాంగ్రెస్‌కు వ్యతిరేకంగా ఉందని ఎన్నికల కమిషన్ ముఖ్య అధికారి ఒకరు తెలిపారు. ఎన్నికల కమిషన్ ధృవీకరించకుండానే ఈ పాటను విడుదల చేశారని, ఇప్పటికే ఈ పాటను వివిధ ప్రదేశాల్లో ప్రదర్శించారని ఆయన అన్నారు. ఈ పాటను పూర్తిగా నిషేధిస్తున్నట్టు ఆయన తెలిపారు.
ఆ రాష్ట్రంలో అధికారంలో ఉన్న తృణమూల్ కాంగ్రెస్ ఈ విషయంపై ఫిర్యాదు చేసింది. దీనిపై చర్యలు తీసుకున్న ఎన్నికల కమీషన్.. మీడియా సర్టిఫికేషన్ అండ్ మానిటరింగ్ కమిటీ (ఎంసీఎంసీ) నుండి ముందస్తు అనుమతి తీసుకోకపోవడం ఎన్నికల నిబంధనను ఉల్లంఘించడమేనని అన్నారు
