సమాజంలో మానవత్వం రోజు రోజుకి తగ్గిపోతోందనడానికి నిదర్శనంగా పలు ఘటనలు నిలుస్తున్నాయి. ఏదో ఒక కారణంతో కన్న వాళ్లను కడతేర్చుతున్నారు. అలాంటి ఘటనే వరంగల్జిల్లాలో జరిగింది. పోలీసులు తెలిపిన వివరాల ప్రకారం..
వర్ధన్నపేట మండలం ఎన్ఎస్ తండాకి చెందిన పాళ్యకు కొడుకు సుమన్ ఉన్నాడు. కుటుంబ కలహాలతో జూన్ 27న రాత్రి పాళ్యను.. సుమన్ విచక్షణా రహితంగా కొట్టాడు. దెబ్బలు తాళలేక తండ్రి అక్కడికక్కడే మృతి చెందాడు. విషయం తెలుసుకున్న స్థానికులు సుమన్ కోసం గాలిస్తున్నారు. కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. హత్యకు గల కారణాలు తెలియరాలేదు.
