మంగళూరు: వీకెండ్ వచ్చిందంటే చాలు.. మెట్రో సిటీల్లో మెజారిటీ పబ్లిక్కు మూడే మూడు విషయాలపై వ్యామోహం, వ్యాపకం ఉంటుంది. షాపింగ్ చేయాలి. సినిమా చూడాలి. ఇంటికి వస్తూ వస్తూ బయట ఏ KFCకో, పిజ్జా హట్కో లేకపోతే ఏ ఫేమస్ రెస్టారెంట్కో పోయి చికెన్ పీసులు, మటన్ పీసులు ఆవురావురమని లాగించేయాలి.
లేదంటే.. ఇంట్లోనే కూర్చుని ఏ స్విగ్గీలోనో, జొమాటోలోనో ఇదే ఫుడ్ ఆర్డర్ పెట్టుకుని తినేయాలి. దాదాపు చాలా మంది సిటీ పబ్లిక్ షెడ్యూల్ వీకెండ్స్లో ఇలానే ఉంటుంది. అయితే.. ఇలానే ఈ వీకెండ్లో మంగళూరులోని ఒక కేఎఫ్సీ ఔట్ లెట్లో చికెన్ పీసులు ఆర్డర్ చేసుకుని తిన్న ఒక కస్టమర్కు చేదు అనుభవం ఎదురైంది.
Mangaluru, Karnataka: Food safety officials conducted a surprise raid at a KFC outlet in Mangaluru's City Centre on K.S. Rao Road following a customer complaint alleging that they received spoiled, foul-smelling chicken ordered online.
— ANI (@ANI) August 15, 2026
During the inspection of the kitchen,… pic.twitter.com/K0InEr2ghz
ఆర్డర్ చేసుకున్న KFC చికెన్ పీసులను తిందామని ఓపెన్ చేయగానే దుర్వాసన వచ్చాయి. దీంతో.. విస్తుపోవడం సదరు కస్టమర్ వంతైంది. వెంటనే.. కోపంతో ఫుడ్ సేఫ్టీ అధికారులకు మంగళూరులోని ఆ KFC ఔట్లెట్పై ఫిర్యాదు చేశాడు. బాధిత కస్టమర్ ఫిర్యాదుతో మంగళూరు కేఎస్ రావు రోడ్డులోని సిటీ సెంటర్లో ఉన్న KFC ఔట్ లెట్లో ఫుడ్ సేఫ్టీ అధికారులు ఆకస్మిక తనిఖీలు చేశారు.
ఈ రైడ్స్లో భాగంగా అధికారులు.. వంట గది, స్టోర్ రూమ్, కోల్డ్ స్టోరేజ్ ఏరియాలను తనిఖీ చేశారు. తనిఖీల అనంతరం.. తప్పు జరిగిందని నిర్ధారించిన అధికారులు ఈ KFC ఔట్ లెట్ను మూసేయించారు. ఫుడ్ శాంపిల్స్ను ల్యాబ్కు పంపారు. ల్యాబ్ రిజల్ట్స్ ఆధారంగా తదుపరి చర్యలు తీసుకుంటామని అధికారులు స్పష్టం చేశారు.
