జీడిమెట్ల, వెలుగు: జీడిమెట్ల పారిశ్రామికవాడలో ఉచిత బయో టాయిలెట్స్అందుబాటులోకొచ్చాయి. ప్రయోగాత్మకంగా ఫేజ్-5 లో ఏర్పాటు చేసిన ఉచిత బయో టాయిలెట్లను టీఎస్ఐఐసీ జోనల్ మేనేజర్ మాధవి, జేఎన్ఎంఐఏ సర్వీస్ సొసైటీ చైర్మన్ సదాశివరెడ్డి గురువారం ప్రారంభించారు. ఈ విధానం సక్సెస్ అయితే అన్ని ఫేజ్లలో మరో 20 వరకూ ఏర్పాటు చేస్తామని తెలిపారు. ఆసియాలోనే అతిపెద్ద పారిశ్రామికవాడైన జీడిమెట్లలో లక్షలాది మంది కార్మికులు పనిచేస్తుంటారు. అలాగే ఇతర రాష్టాల నుంచి అనేక మంది లారీ డ్రైవర్లు, క్లీనర్లు ఇక్కడికి రాకపోకలు సాగిస్తుంటారు. గతంలో వీరందరికి టాయిలెట్స్ సౌకర్యం లేక బహిరంగంగానే మూత్ర విసర్జన చేసేవారు. దీంతో అధికారులు స్వచ్ఛ హైదరాబాద్లో భాగంగా మూడు చోట్ల ఉచిత టాయిలెట్స్ను కట్టించారు. వీటితో ఆశించిన ఫలితాలు దక్కాయి. అధికారులు మరో అడుగు ముందుకు వేసి బయో టాయిలెట్లను ఏర్పాటు చేశారు.
