ఇప్పటికే భారీగా కురిసిన వర్షాలతో హైదరాబాద్ నగర ప్రజలు తీవ్ర ఇబ్బందులు పడుతున్నారు. ఎడతెరిపి లేకుండా కురిసిన వర్షాలతో రోడ్లన్నీ గుంతలుగా మారాయి. లోతట్టు ప్రాంతాలు జలమయమయ్యయి. తాజాగా వాతావరణ శాఖ మరో హెచ్చరిక జారీ చేసింది. హైదరాబాదులో ఈ నెల 24వ తేదీ వరకు భారీ వర్షాలు కురుస్తాయని హెచ్చరించింది. అరేబియా సముద్రంలో ఏర్పడిన అల్పపీడన ద్రోణి కారణంగా వర్షాలు కురుస్తాయని తెలిపింది. ద్రోణి ప్రభావంతో నిన్న(ఆదివారం) నగరంలో 40 మిల్లీమీటర్ల వర్షపాతం నమోదైంది. ఉపరితల ద్రోణి ప్రభావంతో తెలంగాణతో పాటు ఆంధ్రప్రదేశ్ లో కూడా ఓ మోస్తరు నుంచి భారీ వర్షాలు కురుస్తాయని వాతావరణ శాఖ తెలిపింది. భారీ వర్షాలు కురిసే అవకాశం ఉండటంతో లోతట్టు ప్రాంతాల ప్రజలు అప్రమత్తంగా ఉండాలని హెచ్చరించింది.
