రాష్ట్రంలోని దళితులపై ప్రత్యేక శ్రద్ధ చూపుతున్న తెలంగాణ ప్రభుత్వం లేటెస్టుగా మరో కీలక ప్రాజెక్టుకు శ్రీకారం చుడుతోంది. హైదరాబాదు నగరంలోని హుస్సేన్ సాగర్ తీరంలో రూ.100 కోట్లతో అంబేద్కర్ భారీ విగ్రహాన్ని ఏర్పాటు చేయాలని నిర్ణయించింది. ఈ విగ్రహం ఎత్తు 125 అడుగులు. దీనికోసం రూ.100 కోట్లకు టెండర్లు పిలవాలని TRS ప్రభుత్వం నిర్ణయించింది.
ఈ విగ్రహం కింది భాగంలో 50 అడుగుల వరకు పార్లమెంటు ఆకృతిలో ఓ భవంతి ఉంటుందని.. దానిపైన విగ్రహ నిర్మాణం ఉంటుందని తెలిపారు మంత్రి కొప్పుల ఈశ్వర్ . 15 నెలల కాలంలో ఈ విగ్రహం నిర్మాణం పూర్తిచేసేందుకు చర్యలు తీసుకుంటున్నట్లు తెలిపారు. అంబేద్కర్ గొప్పదనాన్ని ప్రతిబింబించేలా విగ్రహ నిర్మాణం ఉంటుందన్నారు.
