అభినందన్ ఘటన నేపథ్యంలో ఐఏఎఫ్ నిర్ణయం
బాలాకోట్ పరిణామాల నేపథ్యంలో యుద్ధవిమానాల్లోని రేడియో వ్యవస్థలను మార్చేయాలని ఇండియన్ ఎయిర్ఫోర్స్ (ఐఏఎఫ్) నిర్ణయించింది. దేశీయ పరిజ్ఞానంతో రూపొందించే సాఫ్ట్వేర్ డిఫైన్డ్ రేడియో సిస్టమ్లను పెట్టనుంది. ఆ బాధ్యతను డీఆర్డీవోకు అప్పగించనుంది. వింగ్ కమాండర్ అభినందన్ వర్తమాన్ విమానం ఫెయిలవడం, బాలాకోట్ దాడుల వంటి వాటిపై సమీక్షించిన ఎయిర్ఫోర్స్, విమానాల్లోని రేడియో వ్యవస్థలను మార్చాల్సిన అవసరం ఉందని ప్రభుత్వానికి సూచించింది.
డాగ్ఫైట్ టైంలో అభినందన్ విమానంలోని రేడియో సిస్టమ్ జామ్ అయి గ్రౌండ్ కంట్రోల్తో సంబంధాలు తెగిపోయాయని నిర్ధారించింది. తమ నివేదికలోని అంశాలను ప్రభుత్వానికి తెలియజేసింది. అభినందన్ విమానానికి జరిగినట్టు మరే విమానానికి జరగకూడదంటే రేడియో వ్యవస్థలను మార్చాల్సిన అవసరం చాలా ఉందని పేర్కొంది. ఎయిర్ఫోర్స్ ప్రతిపాదనకు ఇటీవలే రక్షణ శాఖ ఆమోదం తెలిపింది. గ్రౌండ్ కంట్రోల్తో పైలట్ల కమ్యూనికేషన్ కట్ కాకుండా సాఫ్ట్వేర్ డిఫైన్డ్ రేడియో సిస్టమ్ను అభివృద్ధి చేసే బాధ్యతను డీఆర్డీవోకు అప్పగించింది.
