ఎల్బీనగర్, వెలుగు : ఫేక్డిగ్రీ సర్టిఫికెట్లు తయారుచేసి విక్రయిస్తున్న ముఠాను మహేశ్వరం ఎస్ఓటీ, చైతన్యపురి పోలీసులు అరెస్ట్ చేశారు. వారు తెలిపిన వివరాల ప్రకారం.. మెహిదీపట్నంకు చెందిన మహ్మద్ అబ్రార్ హుస్సేన్(45) కొంతకాలంగా ఫేక్సర్టిఫికెట్లు తయారుచేస్తున్నాడు. వాటిని విక్రయించి క్యాష్చేసుకుంటున్నాడు. సమాచారం అందుకున్న మహేశ్వరం ఎస్ఓటీ పోలీసులు శనివారం రైడ్చేసి, మహ్మద్ అబ్రార్ హుస్సేన్తోపాటు మధ్యవర్తిని అరెస్ట్చేశారు.
2 మొబైల్ ఫోన్స్, ల్యాప్ టాప్ స్వాధీనం చేసుకున్నారు. విదేశాలకు వెళ్లాలనుకునేవారికి ఫేక్డిగ్రీ సర్టిఫికెట్లు తయారుచేసి విక్రయిస్తున్నట్లు నిందితులు ఒప్పుకున్నారు. ఒక్కో సర్టిఫికెట్ను రూ.30 వేల నుంచి రూ.40 వేలకు అమ్ముతున్నట్లు తెలిపారు. వీరి వద్ద సర్టిఫికెట్ కొన్న లంగర్ హౌజ్ కు చెందిన సయ్యద్ అహ్మద్(28)ను కూడా పోలీసులు అరెస్ట్చేశారు.
