ఇస్లామాబాద్: పాకిస్తాన్ ముస్లిం లీగ్ (పీఎంఎల్) యువజన నాయకుడు కమ్రాన్ సయీద్ ఉస్మానీ భారత్ను బెదిరించారు. బంగ్లాదేశ్ పై ఇండియా దాడిచేస్తే పాక్ సైన్యం, క్షిపణులు ప్రతిదాడి చేస్తాయని హెచ్చరించారు. ఈ మేరకు మంగళవారం ఆయన ఓ వీడియోను విడుదల చేశారు. “బంగ్లాదేశ్ పై భారత్ దాడి చేస్తే పాక్ సాయుధ దళాలు, మిలిటరీ ప్రతిదాడి చేస్తాయి.
హిందూ రాజ్యాన్ని స్థాపించడానికి అఖండ భారత్ భావజాలం కింద బంగ్లాదేశ్ ను విచ్ఛిన్నం చేయడానికి భారత్ ప్రయత్నిస్తున్నది. ఇటువంటి ప్రయత్నాలను పాకిస్తాన్ సహించదు. గతంలో భారత్ ను పాక్క్లిష్ట పరిస్థితుల్లోకి నెట్టింది.. అవసరమైతే మళ్లీ అలా చేయగలదు. పాకిస్తాన్, బంగ్లాదేశ్ సైనిక కూటమిని కట్టాలి. బంగ్లాదేశ్ లో పాకిస్తాన్, పాకిస్తాన్ లో బంగ్లాదేశ్ సైనిక స్థావరాలను ఏర్పాటు చేసుకోవాలి” అని పేర్కొన్నారు
