హైదరాబాద్, వెలుగు: దేశవ్యాప్తంగా యువత ను రోడ్లపైకి తెచ్చిన అగ్నిపథ్‌ పథకాన్ని కేంద్రం వెంటనే వాపస్ తీస్కోవాలని టీఆర్ఎస్ ఎమ్మెల్యేలు కేపీ వివేకానంద, కాలేరు వెంకటేశ్‌ డిమాండ్‌ చేశారు. అది అగ్నిపథ్‌ కాదు.. ఆవారా పథ్‌ అని విమర్శించారు. ఎమ్మెల్యేలు శుక్రవారం టీఆర్ఎస్ ఎల్పీలో మీడియాతో మాట్లాడారు. రక్షణ శాఖ ప్రైవేటీకరణలో భాగమే ఈ అగ్నిపథ్‌ పథకమని మండిపడ్డారు. ‘‘ప్రధాని మోడీ విధానాలతో అంతర్జాతీయంగా దేశ ప్రతిష్ట దెబ్బతింటోంది. దేశంలో తిరుగుబాటు మొదలైంది. బండి సంజయ్‌ అజ్ఞానంతో ఎవరో రాసిచ్చిన స్క్రిప్ట్‌ చదువుతున్నారు” అని అన్నారు.
