ఐపీఎల్ 2025లో ముంబై ఇండియన్స్ బౌలర్లపై ఆధిపత్యం చెలాయించడం అంత సింపుల్ కాదు. వరల్డ్ క్లాస్ పేసర్లు జస్ప్రీత్ బుమ్రా, ట్రెంట్ బోల్ట్ లతో పాటు మిచెల్ సాంట్నర్, దీపక్ చాహర్ లాంటి బౌలింగ్ లైనప్ ముంబై సొంతం. ఆ జట్టుపై ఆడాలంటే ఎవరికైనా కొంచెం కష్టమే. పంజాబ్ క్వాలిఫయర్ 1 ఆడినా.. క్వాలిఫయర్ 2 లో ముంబైపై గెలిచి ఫైనల్ కు వెళ్లినా అంతా ఆస్ట్రేలియా బ్యాటర్ జోష్ ఇంగ్లిస్ కే క్రెడిట్ దక్కాలి. ఐపీఎల్ లీగ్ దశలో ఆఖరి లీగ్ మ్యాచ్ లో పంజాబ్ ముంబైపై గెలిచి క్వాలిఫయర్ 1 కు దూసుకెళ్లింది. ఈ మ్యాచ్ లో ఇంగ్లిస్ ఆడిన ఆట అద్భుతం. హాఫ్ సెంచరీతో జట్టుకు విజయాన్ని అందించాడు. తీవ్ర ఒత్తిడిలో 42 బంతుల్లో 9 ఫోర్లు, 3 సిక్సర్లతో 73 పరుగులు చేసి ముంబైకి షాక్ ఇచ్చాడు.
ఇక ఆదివారం ముంబైపై (జూన్ 1) జరిగిన క్వాలిఫయర్ 2 మ్యాచ్ లోనూ ఇంగ్లిస్ అదరగొట్టాడు. చేసింది 38 పరుగులే అయినా మ్యాచ్ గెలిచేందుకు ఈ ఇన్నింగ్స్ ఎంతో ప్రత్యేకం. ముఖ్యంగా బుమ్రా బౌలింగ్ లో 2 ఫోర్లు, 2 సిక్సర్లు కొట్టి దూకుడు ప్రదర్శించడం ఇన్నింగ్స్ కే హైలెట్ గా మారింది. ఇంగ్లిస్ ఇచ్చిన ఆరంభం పంజాబ్ కు కాన్ఫిడెంట్ పెంచింది. లీగ్ దశలో ఒకసారి.. క్వాలిఫయర్ 2 లో మరోసారి ఇలా రెండు సార్లు ముంబై జట్టు పరాజయానికి కారణమయ్యాడు. హెడ్ కోచ్ రికీ పాంటింగ్ ఇంగ్లీస్ కు పంజాబ్ జట్టులో ఛాన్స్ ఇవ్వగానే విమర్శలు వచ్చాయి.
►ALSO READ | ఆస్ట్రేలియాకు బిగ్ షాక్.. వన్డేలకు గుడ్ బై చెప్పిన స్టార్ క్రికెటర్
సొంత దేశం కాబట్టి అవకాశాలు ఇస్తున్నాడని ఆరోపించారు. అయితే ఈ ఆసీస్ బ్యాటర్ మాత్రం తనకు వచ్చిన అవకాశాలను చక్కగా వినియోగించుకున్నాడు. ఫైనల్లో రాయల్ ఛాలెంజర్స్ పై ఎలాంటి ప్రదర్శన ఇస్తాడో ఆసక్తికరంగా మారింది. ఈ మ్యాచ్ విషయానికి వస్తే ఆదివారం జరిగిన క్వాలిఫయర్–2లో పంజాబ్ 5 వికెట్ల తేడాతో ముంబై ఇండియన్స్‌‌‌‌కు చెక్‌ పెట్టింది. టాస్‌ ఓడిన ముంబై 20 ఓవర్లలో 203/6 స్కోరు చేసింది. తర్వాత బ్యాటింగ్‌‌‌‌కు దిగిన పంజాబ్ 19 ఓవర్లలో 207/5 స్కోరు చేసి గెలిచింది. పంజాబ్ కెప్టెన్ శ్రేయస్‌ అయ్యర్ కు ‘ప్లేయర్‌ ఆఫ్‌ ద మ్యాచ్’ అవార్డు లభించింది.
While celebrating Shreyas Iyer, lets not forget how Josh Inglis broke MI's best bowler Jasprit Bumrah in a 200+ run chase with a 20 runs over!!
— Rajiv (@Rajiv1841) June 2, 2025
What Josh Inglis has done for us is just amazging, his inning was the one which took us into top 2 vs MI❤️pic.twitter.com/hb31FqtqGk
