వరంగల్ జిల్లాలో విషాదకర ఘటన చోటుచేసుకుంది. ఎన్నో ఆశలతో కొత్త జీవితాన్ని ప్రారంభించాల్సిన వధువు.. కాళ్ల పారాణి ఆరకముందే.. 16 రోజులకే సూసైడ్ చేసుకొని చనిపోయింది. ఈ దారుణ ఘటన జిల్లాలోని భీమదెవరపల్లి మండలం మానిక్యపూర్‌లో జరిగింది. ధర్మసాగర్ మండలం నారాయణగిరి గ్రామానికి చెందిన రవళి(22) అనే యువతికి.. మానిక్యపూర్ గ్రామానికి చెందిన యువకుడితో 16 రోజుల కిందట ఘనంగా పెళ్లి జరిగింది. అయితే ఈ పెళ్లి రవళికి ఇష్టంలేదు. దాంతో అయిష్టంగానే కాపురానికి వెళ్లింది. అయితే మనసుకు నచ్చనివాడితో కాపురం చేయలేక ఉరివేసుకొని చనిపోతున్నట్లు లెటర్ రాసి చనిపోయింది. తన ఇష్టంతో సంబంధంలేకుండా బలవంతంగా ఈ పెళ్లి చేశారని వధువు తన సూసైడ్ లెటర్‌లో పేర్కొంది. కేసు నమోదు చేసిన పోలీసులు.. సూసైడ్ లెటర్ ఆధారంగా దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం స్థానిక ఆస్పత్రికి తరలించారు.
For More News..
5 వేలు పెడితే రోజూ 400 ఇస్తామని నమ్మించి..
హీరోగా జానీ మాస్టర్ ఎంట్రీ
హీరో రాం చరణ్‌కు కరోనా పాజిటివ్
