- గంపలో రూ.25 వేల చిల్లరతో వచ్చి
- నామినేషన్ వేసిన సివిల్ ఇంజినీర్
కరీంనగర్, వెలుగు: కరీంనగర్ లోక్ సభ అభ్యర్థిగా పేరాల మానసారెడ్డి వినూత్న రీతిలో మంగళవారం నామినేషన్ దాఖలు చేశారు. నామినేషన్ ఫీజుగా చెల్లించాల్సిన రూ.25 వేలను రూ.10 కాయిన్స్తో చెల్లించారు. ఈ చిల్లర కాయిన్స్ ను ఓ బుట్టలో వేసుకుని నెత్తిన ఎత్తుకుని కలెక్టరేట్కు చేరుకోవడాన్ని వాహనదారులు, పోలీసులు, కలెక్టరేట్ సిబ్బంది ఆసక్తిగా చూశారు.
కరీంనగర్ జిల్లా సైదాపూర్ మండలం బొమ్మకల్ గ్రామానికి చెందిన మానస సివిల్ ఇంజినీరింగ్ పూర్తి చేశారు. కొన్నాళ్లుగా గర్ల్స్ ఎడ్యుకేషన్పై వాయిస్ ఫర్ గర్ల్స్ అనే ఇంటర్నేషనల్ స్వచ్ఛంద సంస్థతో కలిసి పని చేస్తున్నారు. మార్పు కోసం మానస అనే ట్యాగ్ లైన్ తో విద్య, వైద్యం, ఉపాధికి సంబంధించి 10 అంశాలతో కూడిన ఎజెండాను కూడా ఈ ఎన్నికల సందర్భంగా ప్రకటించారు. తనను గెలిపిస్తే పేపర్లకే పరిమితమైన అభివృద్ధిని కళ్ల ముందుంచుతానని వెల్లడించారు.
