చేర్యాల, వెలుగు: నాన్స్టాప్గా ఏడు గంటల పాటు తబలా వాయించి సిద్దిపేట జిల్లాకు చెందిన బండోజు నరసింహాచారి ఇంటర్నేషనల్ వండర్ బుక్ ఆఫ్ రికార్డ్స్లో చోటు సాధించాడు. ఆదివారం చేర్యాలలోని అయ్యప్ప టెంపుల్లో వివిధ భక్తి గీతాలకు నరసింహాచారి 7 గంటల పాటు తబలా వాయించగా.. సంస్థ ప్రతినిధులు బింగి నరేంద్ర గౌడ్, స్వర్ణ శ్రీ ఆయనకు గుర్తింపు సర్టిఫికేట్ అందజేశారు. టీచర్గా పనిచేస్తున్న ముస్త్యాల గ్రామానికి చెందిన నరసింహాచారి.. తబలా వాయిద్యంలో పలు కార్యక్రమాలు నిర్వహించడంతో పాటు ఔత్సాహికులకు ట్రైనింగ్ ఇస్తున్నాడు. అందరి ప్రోత్సాహంతోనే తాను ఈ రికార్డును సాధించానని నరసింహాచారి చెప్పారు.
