మూసీ నది ఒడ్డున మంచిరేవులలో శ్రీ ఓంకారేశ్వర స్వామి ఆలయానికి శంకుస్థాపన సందర్భంగా సీఎం రేవంత్ రెడ్డి సంచలన వ్యాఖ్యలు చేశారు. ఈ ప్రాంతం నుంచి45 ఏళ్లుగా రాజకీయాల్లో ఉన్న కుటుంబం.. అన్ని పదవులు అనుభవించిన ఒక అక్క కొడుకు.. ఇవాళ ప్రాజెక్టును అడ్డుకునేందుకు నేషనల్ గ్రీన్ ట్రిబ్యునల్ లో కేసు వేశాడు. నేను ఆ అక్కకు చెబుతున్న.. ఈ ప్రాంత అభివృద్ధి నీకు పట్టదా..? నీ పుత్ర రత్నం కేసు వేశాడు. ఈ ప్రాంత ప్రజల కోసం.. అభివృద్ధిని దృష్టిలో పెట్టుకుని వెంటనే కేసు ఉపసంహరించుకోండి.. లేదంటే ఈ ప్రాంతం నుంచి బహిష్కరించే పరిస్థితులు వస్తాయి. అంత వరకు తెచ్చుకోకండి.. అంటూ సీరియస్ కామెంట్స్ చేశారు.
సీఎం రేవంత్ సీరియస్ కామెంట్స్:
- మూసీ కాలుష్యంతో నల్గొండ ప్రజలు గోసలు పడుతున్నరు
- భువనగిరి ఏరియాల్లో మూసీ పొల్యూషన్ తో జనం అల్లాడుతున్నరు
- ఆ ప్రాంతంలో యువకులకు పెళ్లిల్లు కూడా కావడం లేదు
- పిల్లలకు కూడా వైకల్యంతో పుడుతున్నరు
- కొంత మంది స్వార్థంతో మూసీ ప్రక్షాళన అడ్డుకుంటున్నరు.
- మేము చేయలేకపోయాం.. మీరు చేయొద్దనే అక్కసుతో అడ్డుకుంటున్నరు
- ఒక అక్క కుమారుడు.. మూసీ ప్రక్షాళన ఆపాలని నేషనల్ గ్రీన్ ట్రిబ్యూనల్ లో (NGT) పిటిషన్ వేశాడు
- ఈ ప్రాంత ప్రజల అండగా 45 ఏళ్లుగా రాజకీయాల్లో ఉన్న కుటుంబం
- అన్ని పదవులు అనుభవించారు.. ఈ ప్రజలు ఇవ్వనిదంటూ లేదు ఆ అక్కకు
- ఇవాళ ఆ అక్క కొడుకు నేషనల్ గ్రీన్ ట్రిబ్యునల్ లో ఈ పనిని ఆపమని కేసు వేసిండు
- ఆ అక్క మనసు ఎట్ల ఒప్పుకున్నదో .. ఇలాంటి తప్పుడు కేసులను వేయించడానికి
- ఆ అక్కకి ఈ ప్రాంత ప్రజలు ఓట్లు వేయలేదా.. వాళ్ల కుటుంబాన్ని ఆశీర్వదించలేదా
- ఈ రోజు ఈ రాష్ట్రంలో, దేశంలో ఆ అక్కకు, వాళ్ల కుటుంబానికి గుర్తింపు వచ్చింది
- ప్రజా ప్రతినిధులుగా, మంత్రులుగా పదవులు అనుభవించారంటే ఈ ప్రాంత ప్రజల ఆశీర్వాదం
- ఈ ప్రాంత ప్రజల ఆకాంక్షలను అడ్డుకోవడానికి నీ కన్న కొడుకే ఎన్జీటీలో కేసు వేస్తుంటే.. నీకు మనసెట్టా ఒప్పింది
- ప్రజా ప్రతినిధిగా కొనసాగడానికి నీకు అర్హత ఉందా అని చెప్పి అడుగుతున్న
- ఒకప్పుడు ఆ అక్క నాకు దగ్గర.. అప్పుడు ఇట్ల లేకుండే..
- ఈ నాడు అట్ల తయారు కావటానికి కారణం ఏంటో నాకు తెలియదు
- సావాస దోషం వల్ల మంచి వాళ్లతో ఉంటే మంచిగ ఉంటం..
- చెడు స్నేహం చేస్తే చెడిపోతరని పెద్దలు చెప్తుంటరు
- మంచోళ్లకు పది రూపాయలు ఇచ్చి దగ్గరికి తెచ్చుకోవాలి..
- చెడ్డోళ్లను పది రూపాయలతో వదిలించుకోవాలి
- ఈ చిన్న సూత్రం ఆ అక్కకు అర్థం కావటం లేదా అని అడుగుతున్న
- ఈ ప్రాజెక్టును ఆపడానికి నీ పుత్రరత్నం వేసిన కేసును వెంటనే తక్షణమే ఉపసంహరించుకోండి
- లేకపోతే ఈ ప్రజలు మీ కుటుంబాన్ని సామాజిక బహిష్కరణ చేసే పరిస్థితి వస్తుంది.. అంత దూరం రానియ్యొద్దు
- వారి వెనకాల ముసుగు తొడుక్కొని దాక్కున్న వాళ్లకు కూడా చెప్తున్న
- మీ వళ్ల కాని పనులు చాలా మేము చేస్తున్నం.. మీరు ఇట్లనే ఉంటే ఆ హోదా కూడా మిగలదు
- ఇలాంటి చిల్లర మల్లర ప్రయత్నాలు ఆపేయాలని విజ్ఞప్తి చేస్తున్న
- ఏది ఏమైనా.. ఆరు నూరైనా.. అక్కడి సూర్యుడు ఇక్కడ మొలిచినా ప్రాజెక్టు చేసి తీరుతాం
- ఇది మా దీక్ష.. ఇది మా శివ దీక్ష.
