వికారాబాద్, వెలుగు: ప్రేమ పేరుతో వేధించడంతో ఓ యువ క్రికెటర్ ఆత్మహత్య చేసుకుంది. వికారాబాద్ జిల్లా యాలాల మండలంలోని సంగాయిపల్లికి చెందిన నందిని (17) వికారాబాద్లోని మేనమామ దగ్గర ఉంటోంది. ఈమె జిల్లా స్థాయిలో క్రికెటర్గా మంచి పేరు తెచ్చుకుంది. అయితే, గురువారం సాయంత్రం నందిని తన మేనమామ ఇంట్లో ఫ్యాన్కు చున్నీతో ఉరి వేసుకుని ఆత్మహత్య చేసుకుంది. నందిని మేనమామ రమేశ్ గమనించి ఆమెను ప్రభుత్వ దవాఖానకు తరలించగా అప్పటికే చనిపోయిందని డాక్టర్లు నిర్ధారించారు.
అయితే, నందిని మృతిపై తమకు అనుమానాలున్నాయని ఆమె తండ్రి పోలీసులకు ఫిర్యాదు చేశారు. నందినిని ప్రేమిస్తున్నామంటూ ఇద్దరు యువకులు వెంటపడుతున్నారని, అందుకే ఆమె ఆత్మహత్య చేసుకుని ఉంటుందని కంప్లయింట్లో పేర్కొన్నాడు. దీంతో అనుమానాస్పద మృతిగా కేసు నమోదు చేసి దర్యాప్తు ప్రారంభించినట్లు వికారాబాద్ సీఐ రఘుకుమార్ తెలిపారు.
