వెండితెరపై క్రేజ్ సంపాదించుకున్న యంగ్ హీరోయిన్లు శ్రీలీల, గౌరీ ప్రియ ఒకే రోజు తిరుమల శ్రీవారిని దర్శించుకున్నారు. శుక్రవారం నవంబర్ 13న వేర్వేరుగా శ్రీవారి సుప్రభాత సేవలో పాల్గొని మొక్కులు చెల్లించుకున్నారు. దర్శనానంతరం వేద పండితులు వేదాశీర్వచనం అందించగా, ఆలయ అధికారులు శేషవస్త్రాలతో సత్కరించి తీర్థప్రసాదాలు అందజేశారు. ప్రస్తుతం సినిమాలతో బిజీగా ఉన్న ఈ ఇద్దరు భామల తిరుమల పర్యటన ఫొటోలు సోషల్ మీడియాలో వైరల్ అవుతున్నాయి.
శ్రీలీలకు భారీ ప్రాజెక్టులు.. బిగ్ హిట్‌పై గురి..
'పెళ్లిసందడి'తో హీరోయిన్‌గా ఎంట్రీ ఇచ్చిన శ్రీలీల.. 'ధమాకా'తో టాలీవుడ్‌లో సెన్సేషన్‌గా మారింది. 'భగవంత్ కేసరి', 'గుంటూరు కారం' సినిమాలతో మరింత క్రేజ్ సంపాదించుకుంది. అయితే ఆ తర్వాత ఆశించిన విజయాలు అందుకోలేకపోయింది. దీంతో ఇప్పుడు భారీ ప్రాజెక్టులపై ఫోకస్ పెట్టింది. తమిళంలో స్టార్ హీరోల సినిమాలతో పాటు కార్తీక్ ఆర్యన్‌తో హిందీ చిత్రంలోనూ నటిస్తోంది. మరి ఈ సినిమాలతోనైనా బాక్సాఫీస్ వద్ద బిగ్ హిట్ అందుకుని తన స్టార్‌డమ్‌ను మరో స్థాయికి తీసుకెళ్తుందేమో చూడాలి!
సుప్రభాతం సేవలో తిరుమల శ్రీవారిని దర్శించుకున్న హీరోయిన్ శ్రీలీల #sreeleela #Tirumala https://t.co/H3FEy3lVLk
— Journalist Ramesh Pammy (@rameshpammy) November 13, 2026
గౌరీ ప్రియకు పెరుగుతున్న క్రేజ్..
మరోవైపు గౌరీ ప్రియ కూడా తనదైన నటనతో ప్రేక్షకులకు దగ్గరవుతోంది. 'మెయిల్', 'రైటర్ పద్మభూషణ్', 'మ్యాడ్' సినిమాలతో తెలుగు ప్రేక్షకులకు పరిచయమైన ఈమె.. తమిళ చిత్రం 'లవర్'తో మంచి గుర్తింపు తెచ్చుకుంది. ఆ సినిమాలో తన నటనకు విమర్శకుల ప్రశంసలతో పాటు అవార్డులు కూడా అందుకుంది.
ఇటీవల 'హ్యాపీ రాజ్', 'చెన్నై లవ్ స్టోరీ' వంటి సినిమాలతో ప్రేక్షకుల ముందుకు వచ్చిన గౌరీ ప్రియ.. తెలుగు, తమిళ చిత్ర పరిశ్రమల్లో అవకాశాలను అందిపుచ్చుకుంటోంది. ముఖ్యంగా విభిన్నమైన పాత్రలు చేయడానికి ఆసక్తి చూపిస్తున్న ఈ బ్యూటీకి 'బ్రో క్లబ్' వంటి తమిళ ప్రాజెక్టులు ఉన్నాయి. ప్రస్తుతం ఆమె కెరీర్‌లో మరిన్ని మంచి అవకాశాలు అందుకోవడానికి ప్రయత్నిస్తోంది.
VIDEO | Andhra Pradesh: Actresses Sreeleela and Sri Gouri Priya accompanied by their family members, participated in the Suprabhata Seva at Tirumala and offered prayers to Lord Sri Venkteswara swamy at Tirumala. During the visit, Sreeleela and Sri Gouri Priya offered prayers to Lord Venkateswara and sought divine blessings. Temple authorities extended a traditional welcome and facilitated her darshan. (Source: Third Party) (Full video available on PTI Videos - https://t.co/bIyFWTfmBd)
— Press Trust of India (@PTI_News) November 13, 2026
వెంకన్న ఆశీస్సులతో కొత్త విజయాల కోసం!
ఒకరు స్టార్ హీరోయిన్‌గా భారీ చిత్రాలతో పాన్ ఇండియా స్థాయిలో ఎదగాలని ప్రయత్నిస్తుంటే.. మరొకరు నటనకు ప్రాధాన్యమున్న కథలతో తనకంటూ ప్రత్యేక స్థానం సంపాదించుకుంటున్నారు. ఈ క్రమంలో తిరుమల శ్రీవారిని దర్శించుకుని సుప్రభాత సేవలో పాల్గొన్న ఈ ఇద్దరు భామలు స్వామివారి ఆశీస్సులు అందుకున్నారు. మరి వెంకన్న ఆశీస్సులతో వీరి తదుపరి సినిమాలు బాక్సాఫీస్ వద్ద ఎలాంటి మ్యాజిక్ చేస్తాయో చూడాలి!
