సూర్యుడు తూర్పున ఉదయించి పడమర అస్తమిస్తే రోజు పూర్తవుతుంది. రాత్రి, పగలు ఏర్పడడానికి కారణం కూడా ఇదే. కానీ, అసలు సూర్యుడు అస్తమించకపోతే ఎలా ఉంటుంది? అదెలా కుదురుతుంది? అనుకుంటున్నారా.. సూర్యుడు అస్తమించని ప్రదేశాలు ఈ భూమిపై చాలానే ఉన్నాయి. అందులో కొన్ని ఇవి.
- నార్త్ స్వీడెన్‌‌‌‌లోని కిరునా నగరాన్ని చూడడానికి ప్రతి ఏటా వేల మంది టూరిస్టులు వస్తుంటారు. అది కూడా ఏడాదిలో వంద రోజులు మాత్రమే. ఎందుకుంటే ఆ వంద రోజులు అక్కడ సూర్యుడు అస్తమించడు కాబట్టి. ప్రతి ఏటా మే నెల నుంచి ఆగస్టు మధ్య దాదాపు వంద రోజులపాటు కిరునా నగరంలో సూర్యుడు అస్తమించకుండా ఒకేచోట ఉంటాడు. అందుకే ఆ మూడు నెలలూ అక్కడ ఎంతో ప్రత్యేకం. కిరునా నగరం ఉత్తర ధృవానికి దగ్గరగా ఉండడం వల్ల అక్కడ ఎండాకాలం సీజన్‌‌‌‌లో పగలు, సాయంత్రాలు ఉండవు.
- నార్త్ గ్రీన్‌‌‌‌లాండ్‌‌‌‌లో ఉండే కానాక్ అనే నగరంలో కూడా పగలు సాయంత్రాలు ఉండవు. ఇక్కడ ఎండాకాలం అంతా సాయంత్రం లాగ ఉంటుంది. చలికాలం మొత్తం రాత్రిలా ఉంటుంది. అందుకే ఇక్కడ నివసించే వాళ్లు కిటికీలకు పరదాలు కట్టుకుని రాత్రిలా ఫీలవుతుంటారు.
- కెనడాలోని యుకొన్‌ ప్రాంతంలో ఎండాకాలంలో దాదాపు 50 రోజులపాటు సూర్యుడు అస్తమించకుండా ప్రకాశిస్తాడు. అందుకే, ఈ ప్రాంతాన్ని అర్ధరాత్రి సూర్యుడు ఉండే ప్రాంతం అంటారు.
