న్యూఢిల్లీ: విద్యార్థుల ఆందోళనలపై కేంద్ర రక్షణ శాఖ మంత్రి రాజ్నాథ్ సింగ్ ఆందోళన వ్యక్తం చేశారు. విపక్షాలు తమ స్వార్థ రాజకీయ ప్రయోజనాల కోసం విద్యార్థులను, యువతను వాడుకుంటున్నాయని మండిపడ్డారు. రోడ్లపై రచ్చ చేయడం కాకుండా పార్లమెంట్లో చర్చలకు రావాలని సూచించారు. నీట్పేపర్ లీకేజీ వివాదంపై కాక్రోచ్ జనతా పార్టీ (సీజేపీ) చేపట్టిన నిరసనలు రెండో నెలకు చేరడం, నల్ల దుస్తులతో విపక్ష నేతలు పార్లమెంట్ ముందు ధర్నా చేయడంపై రాజ్నాథ్ ఎక్స్వేదికగా స్పందించారు.
మోదీ సర్కార్ విద్యార్థుల ఆకాంక్షలకు అనుగుణంగా పనిచేస్తుందని స్పష్టం చేశారు. యువత సమస్యలు విని పరిష్కరించడం ప్రభుత్వ బాధ్యత అని తెలిపారు. విపక్ష నేతలు కృత్రిమ కోపాన్ని నటిస్తూ దేశ యువతను గందరగోళానికి గురిచేస్తున్నారని ఆరోపించారు. పార్లమెంట్ వర్షాకాల సమావేశాల్లో చర్చించడం ద్వారా సమస్యలను ప్రభుత్వం దృష్టికి తీసుకురావాలని రాజ్నాథ్ హితవు పలికారు.
