జూబ్లీహిల్స్ చెక్ పోస్ట్ నుంచి హైటెక్ సిటీ వరకు సింగిల్ లైన్ సిస్టం ద్వారా రైళ్ళను నడిపిన మెట్రో మంగళవారం నుంచి హైటెక్ సిటీ నుంచి జూబ్లీహిల్స్ చెక్ పోస్ట్ వరకు రివర్సల్ సిస్టం ను అందుబాటులోకి తీసుకువచ్చింది. ఈ విషయంపై మెట్రో ఎండి ఎన్.వి.ఎస్ రెడ్డి మాట్లాడుతూ.. రివర్సల్ సిస్టం అందుబాటులోకి రావడంతో మరో 2,3 వారాల వరకు అమీర్ పేట్ నుంచి హైటెక్ సిటీ వరకు ప్రతీ 4 నిమిషాలకు ఒక మెట్రో రైలు నడుపుతామని తెలిపారు. తర్వాత పరిస్థితిని బట్టి 3 నిమిషాలకు ఒక రైలు నడుపుతామన్నారు
రివర్సల్ సిస్టం అందుబాటులోకి రావడంతో ఐటీ ఉద్యోగులకు ఎంతో ఉపయోగకరమని మెట్రో ఎండీ అన్నారు. LB నగర్ నుంచి మియాపూర్ రూట్ లో 5 నిమిషాలకు ఒక రైలు నడుపుతున్నామని ఆయన అన్నారు.
