వాషింగ్టన్: సూర్యుడి నుంచి విడుదలైన సోలార్ రేడియేషన్ ఆదివారం భూమిని తాకింది. దీంతో ప్రపంచవ్యాప్తంగా వివిధ ప్రాంతాల్లో ఆకాశంలో వింతైన కాంతులు(అరోరాస్) కనిపించాయి. సోలార్ ఫ్లేర్స్ లలోని ఆవేశ కణాలు(చార్జ్డ్పార్టికల్స్) భూమి వైపు వచ్చి భూ అయస్కాంత క్షేత్రంతో చర్య జరపడంతో ఇలా రంగురంగుల కాంతులు ఏర్పడ్డాయి. మామూలుగా అరోరాస్ఏర్పడాల్సిన ఎత్తు కన్నా ఈసారి తక్కువ ఎత్తులో కనిపించాయి. ఇలాంటి సోలార్ఫ్లేర్స్భూమిని తాకినప్పుడు స్పేస్లో, భూమిపై ఉన్న టెక్నాలజీ వస్తువులకు డ్యామేజ్జరుగుతుంటుందని, అయితే ప్రస్తుత ఫ్లేర్స్ వల్ల జరిగే నష్టం చాలా తక్కువేనని అమెరికా స్పేస్వెదర్ ప్రెడిక్షన్సెంటర్ వెల్లడించింది. అరోరాస్ఎక్కువగా ఉత్తర ధృవంలో ఏర్పడుతుంటాయని, అయితే ఈ ఫ్లేర్స్ వల్ల కాస్త దూరంగా జరిగి ఈశాన్య ప్రాంతంలో ఏర్పడొచ్చని వివరించింది.
సూర్యునిలో భయంకర పేలుళ్లు
సూర్యుని ఎడమ భాగంలో యాక్టివ్గా ఉన్న ప్రాంతంలో ఈ అక్టోబర్ 25, 26 మధ్య పెద్ద పేలుళ్లను.. వాటి వల్ల బయటకు వచ్చిన కాంతులను గుర్తించామని నాసా తెలిపింది. ఇందుకు సంబంధించి సోలార్ డైనమిక్స్ అబ్జర్వేటరీ ద్వారా తీసిన వీడియో ఫుటేజ్ను విడుదల చేసింది. పేలుళ్ల తర్వాత అక్టోబర్ 28న సోలార్ ఫ్లేర్స్ విడుదలయ్యాయని, అవి రెండ్రోజుల తర్వాత భూమిని చేరుకున్నాయని తెలిపింది. ఈ ఫ్లేర్స్కు ఎక్స్1గా పేరు పెట్టారు. ఇక్కడ ఎక్స్ అంటే చాలా తీవ్రమైన ఫ్లేర్స్. ఎక్స్ పక్కన ఉండే నంబర్.. ఆ ఫ్లేర్ఎంత బలమైనదో వివరిస్తుంది. ఎక్స్2 అంటే ఎక్స్1 కన్నా రెండు రెట్లు తీవ్రమైనదని అర్థం. ఎక్స్10 ఫ్లేర్స్ను చాలా బలమైనవని చెబుతుంటారు.
సూర్యుడు నిద్ర లేస్తున్నడు
ప్రతి 11 ఏండ్లకోసారి కొత్త సోలార్ సైకిల్ మొదలవుతుంది. ప్రతి సోలార్ సైకిల్లో సూర్యుడు శాంత స్థితి నుంచి యాక్టివ్గా మారతాడు. తర్వాత సూర్యుడిలో తుఫానులు మొదలవుతాయి. ఆ తర్వాత మళ్లీ శాంతిస్తాడు. ప్రస్తుతం సోలార్ సైకిల్25 నడుస్తోంది. ఈ సైకిల్లో ఎక్స్ క్లాస్కు చెందిన ఫ్లేర్ విడుదలవడం ఇది రెండోసారి. అక్టోబర్28న సూర్యుడిలో జరిగిన భారీ పేలుడు వల్ల బయటకు వచ్చిన ప్లాస్మా సునామీ లక్ష కిలోమీటర్ల ఎత్తులో సోలార్ డిస్క్ అంతా వ్యాపించింది.
ఏంటీ సోలార్ ఫ్లేర్స్?
సోలార్ఫ్లేర్స్ అంటే శక్తివంతమైన రేడియేషన్. ఇవి స్పేస్లో, భూమిపై ఉన్న టెక్నికల్ వస్తువులను పని చేయకుండా చేయగలవు. సూర్యుడి నుంచి విడుదలయ్యే భయంకరమైన రేడియేషన్స్ భూ వాతావరణం దాటి రాలేవు. కాబట్టి మనుషులకు ప్రమాదంలేదు. అయితే తీవ్రమైన రేడియేషన్ మాత్రం భూ వాతావరణాన్ని డిస్టర్బ్ చేయగలదు. దీనివల్ల జీపీఎస్, ఇతర కమ్యూనికేషన్ సిగ్నల్స్ పని చేయవని నాసా వివరించింది.