బెల్లంపల్లి, వెలుగు: మంచిర్యాల జిల్లా దేవాపూర్ గ్రామ పంచాయతీ ఆఫీస్కు ఈ మధ్య కొత్తగా రంగులేశారు. అధికార టీఆర్ఎస్ పార్టీ జెండా కలర్ను ఆఫీసుకు కొట్టడం వివాదానికి దారి తీసింది. ప్రభుత్వ కార్యాలయానికి గులాబీ కలర్ ఎలా వేస్తారని స్థానికులు, ఇతర పార్టీల నేతలు ప్రశ్నిస్తున్నారు. వెంటనే గ్రామ పంచాయతీ కలర్ను మార్చాలని కాంగ్రెస్ నాయకులు డిమాండ్ చేశారు.
దీనిపై జిల్లా ఆఫీసర్లు స్పందించి చర్యలు తీసుకోవాలని కోరారు. గతంలో పక్క రాష్ర్టం ఆంధ్రప్రదేశ్లో అన్న క్యాంటీన్లకు టీడీపీ రంగులు వేయడం.. తర్వాత వచ్చిన వైసీపీ ప్రభుత్వం గ్రామ పంచాయతీ ఆఫీసులకు తమ జెండా కలర్ వేయడం వివాదాలకు దారితీసింది.
