ఆదిలాబాద్‍ అర్బన్‍, వెలుగు: సమత కేసులో నిందితుల తరఫున లాయర్ను కోర్టు నియమించింది. కేసులోని ముగ్గురు నిందితులను పోలీసులు మంగళవారం మరోసారి జిల్లా జడ్జి ఎదుట ప్రవేశపెట్టారు. ప్రస్తుతం తాము లాయర్ను నియమించుకునే పరిస్థితుల్లో లేమని, కోర్టు ద్వారానే నియమించాలని నిందితులు విన్నవించారు. వారి తరఫున వాదించవద్దని ఇప్పటికే బార్‍ అసోసియేషన్ తీర్మానం చేసింది. ఈ నేపథ్యంలో నిందితులు కోరుకున్న అడ్వకేట్‍ ఎ.ఎ.రహీంను వారి తరఫున వాదించేందుకు స్టేట్‍ బ్రీఫ్‍గా నియమిస్తూ జడ్జి ఉత్తర్వులను జారీ చేశారు. రెండు రోజుల్లో కేసు విచారణకు సంబంధించిన షెడ్యూల్ఫిక్స్ చేసి రోజుకు ఐదు నుంచి ఆరుగురు సాక్ష్యులను విచారించే అవకాశమున్నట్లుగా పీపీ రమణారెడ్డి తెలిపారు.
